BON VIVANT

Долго време веќе го одложував тоа, но кога дојде ред да заминам за Битола на дружба со моите кабадаи немав каде да бегам. Погледнав во Merriam-Webster Dictionary и видов дека Bon Vivant означува: person having cultivated, refined, and sociable tastes especially with respect to food and drink. 
Ммммммм.... си реков, прекрасно февруарско дружење, ноќ на виното, ноќ на убавата музика, на севкупно уживање за сите сетила....

Изминуваше 14 февруари, ден на Св. Трифун, заштитникот на лозарите и винарите, вечерта ја поминав со прекрасно вино од Chateau Kamnik (нашата винарија) и одлична табла со tapas, а утрото наредниот ден подготвени за уште една вечер на виното тргнавме од Скопје. Патешествието започна мошне интересно уште од Скопје. Најнапред сакајќи да го позравиме „чичко“ Драги (Драги Филевски, нашиот втор вице-гувернер) одлучивме да му однесеме шише убаво вино од нашата винарија, но продавницата во центарот на градот беше затворена. Кога дојдов во маркетот на Веропулос во Центар (Џамбо) видов дека повеќе не продаваат од овие вина. Помислив и сватив дека ако одиме до винаријата ќе изгубиме премногу време и одлучив за вино од резерва на вранец и каберне савињон од винаријата Попов. Уште да наполниме гориво, си реков. Откако го сторивме и тоа, тргнавме на пат. Втората препрека не пречека во Таорската клисура, одронот кој се беше случил претходниот ден се уште не беше целосно расчистен, а планината чиниш од песок продолжуваше и натаму да се лизга кон асфалтот и потоа надолу во коритото на Вардар.

Чекавме речиси 40 минути, за цело време во пријатна дискусија и со одлична музика во позадината. Од време, на време, спокојот ќе ми го расипеше некоја пцовка во мислите. Како по некој редослед, секоја прва за „умните“ возачи кои мислеа дека ние стоиме оти ни е кеиф, секоја втора за половично сработената реконструкција на автопатот која, ете, не издржа ни цели 2 месеци.

Откако, отворија мал премин не пуштија да поминеме. Возевме непречено до клучката кај Градско. Едвам успеавме да излеземе од автопатот кога полицијата ни покажа да застанеме. Униформираното лице мошне љубезно не извести дека има блокада на патот и дека за Кавадарци и Прилеп патот води преку Неготино. Се погледнавме, се прашавме дали тоа „ОТПОРот“ прави блокада или некој друг. Ако беа тие, тогаш сигурно ќе одевме да се напиеме некое кафе со нив. Прашавме телефонски, ни рекоа земјоделците. Бидејќи нашите земјоделски напори завршуваат во одгледување на саксии со зачини си рековме ништо од кафето. Продолживме по патот до Неготино, а потоа по неготинската и кавадаречката јурија излеговме на регионалниот пат за Прилеп. Повеќе немаше препреки, но оние што ги одминавме доволно направија да патуваме повеќе од 4 часа до Битола.

Вечерта мора да биде повеќе од добра си реков! И би така...!

Шумските фенери беа светнати, потполно украсени, а паркингот пред хотелот беше преполн со автомобили на битолските lions-и. На влезот од салата ме пречекаа моите секогаш драги „кабадаи“ и претседателката Марија Додовска. Поздрави со сите присутни, познати, лица кои сум ги сретнал во некоја пригода, сме разговарале, членуваат во некои од локалните, или пак блиските клубови.

На главната маса седевме со претседателката, нејзината посилна половина, „кабадајата“ Никола Димитровски, од другата страна неговиот брат „кабадаја“ Борче Димитровски со сопругата Викторија, донаторите од винаријата Попова Кула, актерот Петар Горко со сопругата, „кабадајата“ Наташа Христова, „чичко“ Драги со „кабадаја“ Силвана Филевска. Одлично друштво кое гарантира супер забава.

Дури си трепнал стигнало првото вино - Жилавка, потоа следуваше Станушина, Прокупец, Вранец и на крајот Темјаника. Прекрасен избор на локални сорти и традиционално производство, супер придружба со староградска музика и битолските Боеми. Колку за информација со ручекот во „Де Ниро“ веќе решивме едно шише вино.

Дружењето беше прекрасно, вечерта беше одлична. Просто се потсетив зошто му се радував на овој клуб кога се основаше. Тогаш тоа беше вториот клуб со помладо членство и беше вториот клуб кој се основа во програмата New Century. Денес, токму во оваа година е еден од трите клубови кои се најзаслужни за бројот на реализирани активности и остварената волонтерска работа.

Некаде помеѓу Вранецот и Темјаниката имаше мал протоколарен дел во него Марија им заблагодари на Попова Кула и на Идеал Шипка за помошта, објави колку точно средства се собрани од влезниците и ја кажа целта на акцијата - набавка на специјално опремено возило за децата со посебни потреби од Центарот за социјална работа од Битола. ОДЛИЧНО!!! Во рамките на овој протоколарен дел ми се случи да останам без зборови, да бидам возбуден до мера да незнам како да говорам, да... 

Во најавата Марија вели: „... да го повикам главниот човек, гувернерот за оваа година, човек кој е заслужен за постоењето на овој клуб, Андреја Стојковски.“ Слушајќи ја најавата си реков, како не главниот човек. Не сакам такво именување, овде главниот е членот од него постоиме сите, но споменувањето на основањето на клубот навистина ми значеше. Веднаш потоа, Наташа Христова од голема кеса извлече прекрасна слика од Широк Сокак во дождливата стара Битола како подарок за иницијативата.

Можев, никогаш да не проговорам! Tолку вцрвенет не сум бил, дури ни кога сум настапувал на ораторските вечери! Сепак, реков:

Драги мои lions-и,

ако кажев дека атерот ви е голем што сум тука ќе ве навредев. Да не се биде овде на оваа вечер е голем пропуст, а за мене огромно задоволство. Сите доживувања од денешното патешествие, мое и на мојата партнерка во служењето Жижи, го заслужува токму ваквиот крај на вечерта. Прекрасно друштво, одлични lions-и и благородна цел. Оваа година рековме дека ќе допираме до срцата на луѓето, а вашиот клуб тоа извонредно добро го прави. Вие сте едни од трите најактивни клубови оваа година и за се она што го сторивте ви благодарам. Ви благодарам што го прифативте предизвикот и што на заедницата и ја покажувате моќта на нашето движење.
Посебно ме погоди моментот што го споменавте, а тоа е иницијативата за основањето на вашиот клуб. Точно! Во еден разговор со тогаш leo Борче произлезе идејата за основањето на овој клуб и јас сум на тоа и на моментот дека во вас имам драги пријатели и блиски соработници многу горд. Четири години не се многу, но се сепак доволно долго време за да се направат многу добрини, а вие токму тоа го правите!

Ви честитам!
За многу години!

Потоа ги повикав, вице-гувернерот Филевски и зонскиот претседавач Талев да ми помогнат да им заблагодариме на следните lions-и:
1. Борче Димитровски;
2. Никола Димитровски;
3. Мими Талева;
4. Билјана Гагачоска;
5. Андријана Шокларовска;
6. Крсте Неделковски; и
7. Марија Додовска - District Governor's Appreciation Medal.

Заокружувајќи го прекрасниот викенд, наредниот ден во пицерија „Де Ниро“ друг од клубовите во градот, Lions клубот БИТОЛА отвори изложба на уметнички слики со уметник од Црна Гора, а добив и една најпрекрасна вест. На манифестацијата „Најуспешни Битолчани“ која треба да заврши една недела подоцна - Lions клубот БИТОЛА ќе добие награда за најуспешна НВО!!!
СЕКОЈА ЧЕСТ!

Дома дојдов воодушевен од моќта на волонтерската работа и од служењето на заедницата.

BE A LION - TOUCH A HEART!

WALK DOWN MEMORY LANE!

Февруари го започнав со една прошетка низ историјата. Веројатно онаа мачнина од јануарските загуби ме натера да размислувам за минатото, но секако постапките и мојата програма ме принудија да го видам минатото преточено во сегашност. Можеби помалку носталгично, но беше многу убаво! Ова, се разбира, се однесува на глетката во сегашноста, а многу помалку на самата прошетка. На 5ти февруари бев поканет на предвремена посета на Lions клубот Скопје ВАРДАР. Велам предвремена, поради фактот дека истата беше испланирана за подоцна овој месец. Наредниот ден веќе бев во посета на Lions клубот Скопје СВ. ПАНТЕЛЕЈМОН.

Имајќи предвид дека се меѓу најстарите клубови, дека во нив има членови кои имаат подолгорочно членство и животно искуство од моето, како и фактот дека од обата клубови веќе произлегол по еден поранешен гувернер на дистриктот говори многу. Кажува за мојата трема, за „креативната анксиозност“ како што ја нарекува еден пријател. Нејсе, да се биде вознемирен пред вака важни посети е убава работа, тоа кажува дека се грижиш и го почитуваш она што тие го прават.

Посетата на Lions клубот Скопје ВАРДАР беше вистинско задоволство. Се разбира, ова го велам имајќи предвид дека ова е клубот кој има највисоко мислење за себе, а мојата последна посета кај нив не беше воопшто пријатна. Сепак, многу време измина, многу работи оттогаш до денес се случија, а последните неколку месеци напорна работа ја добија наклоноста на целото членство, тука и на она токму од овој клуб. Состанокот беше одлично осмислен, најпрвин членовите дискутираа и се информира за сите дотогашни активности, а потоа шанса да говорам добив јас. На состанокот како вообичаено мораше да има некој кој ќе биде дежурен виновник и, овој пат тоа беше секретарот на клубот. Секако, олеснувачки беше фактот дека претходно бев известен за сериозен број на активности за кои ниту LCI, ниту пак дистриктот немаа никакви информации. Барајќи го виновникот, или поправајќи го виновникот успеав на клубот да му посочам за доброто административно и lions држење, за Club Excellence Award и за она што не очекува во наредниот период: издавањето на монографијата и адресарот на дистриктот, како и одржувањето на 5тата Национална конвенција.
Откако завршив со монологот имаше повеќе интересни прашања, главно прашања кои доаѓаат од чуството на клубот дека тоа е најдобриот клуб кој воопшто постои во светот. Следуваа и други прашања кои се однесуваа на учеството на дистриктот, на спроведувањето на програмата за оваа година, на донациите кои ги направиле досега и на пропустот сето тоа да го евидентираат. Ако по моето заминување успеат да го евидентираат сето тоа, ако го прифатат мојот совет на својот најголем донатор да му подарат Melvin Jones Fellowship и притоа си обезбедат себе си Club Excellence Award, тогаш ќе бидам среќен дека сум допринел да бидат подобар клуб. За најдобар..., за да бидат најдобар клуб ќе почекам да ги видам на Меѓународната конвенција во Хамбург, бидејќи само тогаш ќе го почуствуваат вистинскиот дух на нашето движење. Само потоа ќе живеат со поинакви, јас дури би рекол и вистински чуства.

Наредниот ден, се случи еден од помачните состаноци, а потоа имав вистинско уживање, мојата редовна работна посета на Lions клубот Скопје СВ. ПАНТЕЛЕЈМОН. И овој состанок беше одлично осмислен. И овие lions-и најпрвин зборуваа за своите претстојни активности, а потоа ми дадоа шанса да говорам. Почнав на тој начин што ги потсетив претседателот, Гоце Бурзевски и останатите членови, дека главен град на Монголија е Улан Батор. Споменав дека во 1946 година Улан Батор имал 118.400 жители, но за жал не ги знаев нивните имиња. Ова ми беше домашната задача од Гоце.
Обраќањето во овој клуб беше малу поразлично од дотогашните. Се разбира зборував и за Club Excellence Award и за она што не очекува во наредниот период: издавањето на монографијата и адресарот на дистриктот, како и одржувањето на 5тата Национална конвенција. Меѓутоа во случајот со овој клуб посветив време на објаснувањето на структурата на дистриктот и на асоцијацијата, како и на организацијата на нашиот дистрикт и задачите на сите во истата. Имаше неколку прашања, а истите се однесуваа на поднесената апликација за LCIF грант, на Lions Quest, на Leo клубот кој СВ. ПАНТЕЛЕЈМОН го спонзорираше итн. Крајот на вечерта беше извесен, ама пријатната атмосфера на состанокот, сигурен сум дека многумина натера да помислат дека можеби е прерано. Ако паралелно со состанокот не се одигруваше натпревар од Лигата на шампионите на Европа (спортска среда) верувам никој немаше да отсаствува ниту пак да посака да замине порано.

Февруари беше извонреден месец. Ми даде шанса да се потсетам на времето кога со сиот ентузијазам пристапив во асоцијацијата и на клубовите кои во тоа време ја правеа националната асоцијација. Повторно ги сретнав истите луѓе за кои сведочев кога постануваа lions-и, кои ги среќавав кога јас постанав leo и подоцна lions. Имав можност да видам луѓе кои искрено се сакаат себе си, на кои им значи пријателството и времето поминато заедно. Ме натераа да си ветам себе си дека ќе останам lion до крајот на животот!

Прошетката низ сеќавањата ме освежи и ме охрабри да продолжам до крај!

YOUNG AMBASSADOR OF THE 21st CENTURY

На 23 март 2013, во просториите на NOVA International Schools во Скопје, ќе се одржи Националниот натпревар за избор на Најдобриот Lions млад амбасадор на 21от век.

Организатори на изборот се Lions клубот Скопје МАКЕДОНИЈА New Century во партнерство со NOVA International Schools. Победникот на натпреварот ќе биде нашиот претставник на натреварот за Најдобар млад амбасадор на 21от век на Европскиот Lions форум во Истанбул, Турција во октомври/ноември 2013 година.

Кандидатите мора да бидат постари од 15 години и помлади од 22 години пред 30 јуни 2013. Сепак според правилата на Европскиот Lions Форум, само оние кои се помеѓу 15 и 19 години, пред 30. јуни оваа година ќе можат да бидат претставници на дистриктот на форумот во Истанбул. Оттаму победник на натпреварот може да биде секој учесник, ама само најдобриот во возрасната рамка ќе може да биде претставник на дистриктот на Форумот во Истанбул.

Идеален кандидат е соработник, помагач, или пак партнер во служба, на нашите Lions клубови, односно член во нашите Leo клубови. Идеалниот кандидат може да биде и млад лидер во заедницата кој користи стипендија за талентирани ученици доделена од некој од нашите клубови, односно млад лидер од локалната заедница кој соработува со некоја друга волонтерска организација и и служи на заедницата во која живее.

На натпреварот, кандидатите ќе треба пред жири комисијата да претставуваат свој проект за нивен натамошен ангажман во заедницата, или пак да говорат на темата „Јас Име Презиме - In a World of Service“. Пријавените кандидати ќе бидат оценувани од жири кое ќе го следи нивниот развој и нивната посветеност на служењето на заедницата, а преку информациите кои кандидатите самите ќе ги достават со пријавата за учество на настанот. По говорот, односно презентацијата, кандидатите ќе имаат кратко интервју со членовите на жири комисијата, а во текот на интервјуто ќе треба да покажат дека:

• посветено и служат на заедницата и имплементираат релевантни проекти;
• поседуваат исклучителни лични квалитети и покажуваат забележителни лидерски квалитети;
• имаат квалитет за јавни настапи, особено за презентирање на нивните проекти;
• посветеност на работата и соработката со дистриктот; и 
• имаат план како да ја искористат сумата што би можеле да ја добијат како награда ако победат на европскиот натпревар.

Согласно правилата на европскиот натпревар, сите локални натпревари ги оценува шестчлено жири во состав од еден маж и една жена од следните категории:

1. образование;
2. млади/локална заедница;
3. стопанство.

Победникот на натпреварот ќе добие трофеј и диплома, а сите учесници ќе добијат благодарница.

Победникот на европскиот натпревар добива парична награда во износ од 3.500,00 евра, а ќе може да ја искористи само во поддршка на натамошното служење на заедницата, односно за надградба на своите капацитети за преземање на одредена лидерска функција во асоцијацијата, или пак во општеството. 

Пријавените кандидати, меѓу другото се обврзуваат:

• да настапат на националниот натпревар во март 2013;
• да настапат на 5. Национална конвенција 24-26 мај 2013 година;
• да учествуваат/работат на Меѓународниот младински камп на дистриктот;
• да ја претставуваат државата и дистриктот на Европскиот Lions форум 2013.

Ги охрабруваме сите членови на Leo клубовите, како и сите други заинтересирани млади да се пријават на lions.d132.macedonia@gmail.com користејќи го формуларот за апликација од следниот линк.

EIGHT MONTHLY ADDRESS TO ALL LIONS

Драги пријатели lions-и, 

Добредојдовте во осмиот месец од оваа 2012/2013 фискална година, во месецот на борбата против глаукомот. Ова е осмо месечно обраќање за оваа фискална година кое треба да ви послужи како извештај или потсетник, и секако како информатор за нашите активности. 

Во месецот што измина...

Јануари во Survival[1] митологијата на македонецот е најтешкиот месец! Напорниот период на празнување и паралелно искажување на врвните кулинарски способности на сите членови на семејството (мајки, татковци, баби, дедовци, тетки, вујковци и сл.) како вообичаено до максимум ја тестираат издржливоста на домашните буџети, а врзувањето крај со крај, барем во овој месец наликува на еден мошне успешен кумановски афоризам: „Кој вржује крај с’с крај, брго ќе скине конци!“ Во мојата гувернерска година (2012/2013) јануари се покажа како еднакво тежок месец. 

На крајот на изминатиот месец 7 од нашите клубови беа избришани од ростерот на клубови на Lions Clubs International. Со тоа бројната состојба на нашиот дистрикт се намали за 157 членови и заедно со претходните реални загуби од приближно 40 членови не симна на 752 членови. Сепак, ако е за утеха, тимот кој победува оваа година во само 7 месеци направи извонредни резултати, реализиравме 250 активности, безмалку 13.000 часови волонтерска работа и вкупна вредност на акциите од приближно 120.000,00$. Реализиравме огромен број на часови административна работа во клубовите и во дистриктот, работа посветена на координација и планирање, но и работа посветена на комуникации, посети на клубовите, работа со истите. 

СУМИРАНО, ВО СПОРЕДБА СО МИНАТАТА ГОДИНА НАПРАВИВМЕ ПОДОБРУВАЊЕ ОД 120%, или едноставно ги поместивме границите на УСПЕХОТ! 

Во месецот што измина продолжија редовните работни средби во клубовите.

Согласно статутот и правилниците гувернерот на дистриктот го претставува и застапува дистриктот, а тоа го прави и преку редовните посети на клубовите. 

Оттаму, според календарот за годинава, во изминатиот месец имав можност да ги продолжам редовните средби со членовите на неколку клубови. Уште повеќе, поради актуелната состојба посетите мораа да бидат интензивирани. Во повеќе наврати бев во Куманово, а како свои претставници и секако во функција на дистриктот имаше повеќе офицери кои беа во посета на критичните клубови. Воедно, изминатиот месец беа организирани состаноци на најповеќето Советодавни комитети на гувернерот на дистриктот на кои присуствувавме заедно со вице-гувернерите, поранешниот гувернер Давидовски и GMT координаторот. 

Во текот на изминатиот месец се грижевме за гладните. 

Повеќето од нашите клубови организираа оброци за лицата со посебни потреби и лицата корисници на социјална помош, а беа направени и повеќе донации на јавните кујни, односно на социјално најзагрозените семејства. Откако претходниот месец се потрудивме сите деца да имаат Нова Година и да го сретнат Дедо Мраз, во изминатиот месец навистина се потрудивме најдолгиот месец во годината да биде малу полесен за оние на кои им е потребна помош. 

Во текот на овој месец го финализиравме националниот избор за најдобра еко-фотографија. 

Приказната на победничката фотографија вели: „Во светот има само еден чун со рамно дно кој се правел од еден трупец (моноксилен) и тој го употребувале старите рибари во Дојран (Полин). Воедно, Дојранското езеро замрзнувало еднаш во 50 години.“ Ако приказната е точна, тогаш... 

Честитки за победникот lionВладимир Арсовски! 

За да ги погледате сите пристигнати фотографии следете го линкот: LIONS ENVIRONMENTAL PHOTO CONTEST - D132 MACEDONIA 

Во текот на овој месец ве повикувам да се бориме против глаукомот. 

Глаукомот е состојба во која е оштетен очниот нерв, ткивото кое ги носи информациите за она што го гледаме со очите во мозокот за да ја создадеме сликата што е пред нас. Состојбата создава притисок на очниот нерв, негово оштетување и може да резултира со оштетување на видот и слепило. Што можеме ние да сториме? Изберете еден од следните примери и следете го: 

1. Организирајте лекарски прегледи за штитениците на вашиот клуб (децата без родители; старите и изнемоштени лица; лицата корисници на социјална помош) според медицинските сознанија раното дијагностицирање е најдобриот начин да се борите против болеста.
2. Во соработка со некој од здравствените центри во земјата организирајте и донирајте ласерски третман против глауком на штитеник на вашиот клуб. Според лекарите, третманот е едноставна и рутинска операција.
3. Организирајте предавање од нутриционист. Глаукомот може да се победи со правилна и здрава исхрана, одредени типови храна исклучително поволно влијаат на состојбата. Воедно, долгогодишните истражувања конечно потврдија дека пиењето зелен чај влијае и на подобрување на функционирањето на очниот нерв и е корисна алатка во борбата против глаукомот. 

На крајот едно потсетување. Нашиот меѓународниот претседател вели: “In a world of need and suffering, there is someone to help. And in a world of service, there is one name that stands out among others – Lions Clubs International. That’s what we do.” Темата за оваа година 2012/2013, “In a World of Service” ги отсликува вредностите кои ги споделуваат членовите на асоцијацијата веќе 95 години. 

BE A LION – TOUCH A HEART! Андреја Стојковски, гувернер на дистриктот 2012/2013 
[1] Survival, aнглиски јазик = Опстанок; умешност, или способност да се преживее

THE HARDEST MONTH

Јануари во Survival* митологијата ( на македонецот е најтешкиот месец! Напорниот период на празнување и паралелно искажување на врвните кулинарски способности на сите членови на семејството (мајки, татковци, баби, дедовци, тетки, вујковци и сл.) како вообичаено до максимум ја тестираат издржливоста на домашните буџети, а врзувањето крај со крај, барем во овој месец наликува на еден мошне успешен кумановски афоризам: „Кој вржује крај с’с крај, брго ќе скине конци!“ Во мојата гувернерска година (2012/2013) јануари се покажа како еднакво тежок месец.

Развојот на состојбата започна уште во октомври кога дури 28 клубови се најдоа во опасност од финансиска суспензија и кога долгот кој сите клубови во дистриктот го имаа кон Lions Clubs International изнесуваше 21.964,08$. Со посебен ангажман на повеќемина членови на тимот успеавме долгувањата да ги намалиме во само еден месец на 11.075,46$. Сепак тоа не беше доволно!

На 07 јануари 2013 година дури 9 клубови беа ставени во финансиска суспензија, а на крајот на истиот месец 7 од овие клубови беа избришани од ростерот на клубови на  Lions Clubs International. Со тоа бројната состојба на нашиот дистрикт се намали за 157 членови и заедно со претходните реални загуби од приближно 40 членови не симна на 752 членови.

Никогаш не сум се чуствувал пострашно! Загубата на толку многу клубови тотално ми го уништи ентузијазмот и вербата дека се движиме во вистинската насока, дека спроведените активности и активниот волонтеризам кој го промовиравме сепак не се доволно.

Знаев дека не е воопшто едноставно, особено немаше да биде за мене бидејќи најодговорно пристапив кон вршењето на функцијата. Знаев дека после сиот оној голем раст, во кој покрај успешните приказни, создадовме и ранливи клубови ќе дојде периодот во кој ранливоста на овие клубови ќе биде уште поизразена. Сепак, искрено очекував дека секој од нас ќе биде доволно одговорен за своите клубови: претседателите, Guiding Lions-ите, зонските претседавачи, GMT координаторот, поранешните гувернери и така до врвот на пирамидата.

Знаев, за среќа се уште верувам во тоа дека сите успеси, без оглед колку мој ангажман има во нив се успеси на сите членови на тимот (ОНИЕ КОИ НАЈОДГОВОРНО ПРИСТАПИЈА КОН ВРШЕЊЕТО НА ФУНКЦИЈАТА), а неуспесите се неуспеси на гувернерот на дистриктот! Но, часовникот работи добро затоа што сите запчаници безпрекорно ја вршат својата задача. Оттаму, се уште неможам да ги заборавам разочарувањата и директното одбивање на соработка/поддршка/помош од двајца најодговорни членови на тимот кои можеа да бидат пресудни во тоа состојбата денес да биде подобра.

Денес е 17 февруари 2013 година, јануари одамна замина, раните во дистриктот останаа, а стегнатиот ремен од финансиската исцрпеност остро затега. Ако е за утеха, тимот кој победува оваа година во само 7 месеци направи извонредни резултати, реализиравме 250 активности, безмалку 13.000 часови волонтерска работа и вкупна вредност на акциите од приближно 120.000,00$. Реализиравме огромен број на часови административна работа во клубовите и во дистриктот, работа посветена на координација и планирање, но и работа посветена на комуникации, посети на клубовите, работа со истите.

СУМИРАНО, ВО СПОРЕДБА СО МИНАТАТА ГОДИНА НАПРАВИВМЕ ПОДОБРУВАЊЕ ОД 120%, или едноставно ги поместивме границите на УСПЕХОТ!

Ова се податоците кои ги обожувам, кои ми ја враќаат енергијата и ме тераат да мислам дека се уште има надеж да се подобри состојбата и да се оствари сеопфатен успех на крајот на фискалната година. Поради сето ова велам дека мојата определба да се биде lion е за навек, а јас ќе продолжам да придонесувам за успесите и на моите следбеници.

BE A LION - TOUCH A HEART!

* Survival - Англиски јазик = Опстанок; умешност, или способност да се преживее)

3rd GLT/GMT COORDINATION MEETING

На 06 февруари 2013 година, во хотелот КОНТИНЕНТАЛ во Скопје се одржа вториот состанок за координација на GMT/GLT за развој и работа со членството.

На состанокот присуствуваа следните членови: Андреја СТОЈКОВСКИ, Сашо ВАСИЛЕВСКИ, Јелица КРТОЛИЦА, Драги ФИЛЕВСКИ, Давор КАРАКАШЕВ, Иван КАРЕВ, Елизабета СРБИНОВСКА-КОСТОВСКА, Михајло ШИРОГОСКИ, Љубица АНГЕЛКОВА-МАНГОВСКА, Слободан ВУКИЌЕВИЌ, Марјан ТАЛЕВ, Зоран ИЛИЌ, Пеце ПЕТРЕСКИ, Габриела РАКИЧЕВИЌ, Александар МАТЕВСКИ, Соња БОЈАЏИЕВА, Звонимир ЦВЕТАНОВСКИ, Ангел ГЕОРГИЕВСКИ, Небојша ДАВИДОВСКИ.

Своето отсуство од состанокот го имаа најавено: Крумислав БАРЗОВ, Билјана КОСТОВСКА и Јордан САВЕСКИ.

На почетокот како предточка од утврдениот дневен ред беше проследен извештај за работата на Почесниот комитет на гувернернот на дистриктот (Советот на гувернери) при утврдувањето на кандидатурите за гувернер на дистриктот, прв и втор вице-гувернери за 2013/2014 година. Во расправата по предточката (Усвојување на кандидатурите за гувернер на дистриктот, прв и втор вице-гувернери за 2013/2014) беа донесени следните заклучоци:

1. Почесниот комитет на Гувернерот на дистриктот на својот последен состанок во средината на ноември 2012 година ги утврди кандидатурите за гувернер на дистриктот, прв и втор вице-гувернери за 2013/2014. Истите, во името на Почесниот комитет, на Тимот на гувернерот на дистриктот за 2012/2013 му ги предлага за усвојување, Претседавачот на комитетот, поранешниот гувернер на дистриктот Небојша ДАВИДОВСКИ.
2. Тимот на гувернерот на дистриктот за 2012/2013 ги усвои кандидатурите на следните lions-и:

• Lion Јелица КРТОЛИЦА за кандидат за гувернер на дистриктот за 2013/2014 година. Lion Кртолица досега ги вршела функциите претседател на својот клуб, претседавач на зона, претседавач на регион, втор вице-гувернер на дистриктот и во оваа година 2012/2013 служи како прв вице-гувернер на дистриктот.
• Lion Драги ФИЛЕВСКИ за кандидат за прв вице-гувернер на дистриктот. Lion Филевски досега служел на повеќе функции, меѓу кои претседавач на зона, претседавач на регион, а оваа година 2012/2013 служи како втор-вице гувернер на дистриктот.
• Lion Звонимир ЦВЕТАНОВСКИ за кандидат за втор вице-гувернер на дистриктот. Lion Цветановски досега ги вршел функциите претседател на својот клуб, секретар во својот клуб, секретар на кабинетот, а во последните две години 2011/2013 служи како GLT координатор на дистриктот.

3. Тимот на гувернерот за 2012/2013 година предлага Националната конвенција на Lions дистриктот 132 Македонија на 25 мај 2013 година да ги избере утврдените кандидати за нови офицери на дистриктот.

Во втората точка од дневниот ред: Статус на членство во дистриктот, на присутните им дадов извештај за последниот статус на дистриктот во однос на активните клубови и членовите во истите. По оваа точка од дневниот ред свое видување и придонес кон дискусијата имаа и поранешните гувернери на дистриктот, како и другите членови на тимот. Од дискусијата произлегоа следните заклучоци:

1. Покрај сите обиди, состојбата со членството во дистриктот на истекот на Јануари 2013 година е разочарувачка и покрај сите обиди и работата со клубовите дистриктот поради финансиска суспензија загуби 9 клубови од кои 2 беа веднаш беа вратени во активен статус, а 1 клуб донесе одлука за самораспуштање.

2. Клубовите: ВОДНО, ДЕНАРИУС, ТУМБА, ШТИП, ПРОБИШТИП, РАДОВИШ и СТРУГА на дистриктот му донесоа загуба од 157 членови. Со тоа актуелниот статус на дистриктот е 32 клубови и 752 членови.

3. На истекот на Јануари 2013 година сите клубови оствариле 256 активности, во 12300 волонтерски часови и со вредност од 125.000 американски долари. Ако се има предвид фактот дека само 20 клубови известиле за своите активности, тогаш може да се заклучи дека индикаторите можеле да бидат и повисоки.

4. Сите загубени клубови ќе бидат повторно вратени на ростерот на клубови. Одговорноста за враќањето на клубовите е на: гувернерот на дистриктот, вице-гувернерите, зонските претседавачи и региските претседавачи, GMT координаторот, Guiding Lions-ите на паднатите клубови и претседателите на истите. Крајот на февруари 2013 е последниот рок за реактивирање на овие клубови, а не успехот ќе има реперкусии врз секој од вршителите на функции во дистриктот.

Третата точка од дневниот ред беше на темата: Работа со членството 2012/2013 година, во која се дискутираше по извештаите на претседавачите на зона од одржаните советодавни комитети на гувернерот на дистриктот, предлог планот за изработка на монографија и адресар за дистриктот, како и за подготовките за организација на Националната конвенција.

1. Сите претседавачи на зона одржаа состанок на Советодавните комитети на гувернерот на дистриктот. На одржаните состаноци учествуваа: гувернерот на дистриктот, вице-гувернерите на дистриктот, еден поранешен гувернер на дистриктот и GMT координаторот на дистриктот. 

2. Извештаите за одржаните состаноци се подготвени од мнозината претседавачи на зона и се дел од оваа белешка. 

3. Наредната задача на зонските претседавачи е во своите посети на клубовите да ја истакнат потребата од правилното одржување на изборите за клупски раководства и од нивното учество на Националната конвенција 24-25 мај 2013 година во Скопје.

4. Преземените активности за издавање на адресар на дистриктот и сите клубови, како и монографија по повод годишнините кои ги одбележуваме да се забрзаат, а на сите клубови да им се укаже за важноста на овој проект.

По четвртата точка од дневниот ред: Развој на членство 2012/2013, краток извештај даде GMT координаторот Соња Бојаџиева, а придонес дадоа и другите членови на тимот. Од дискусијата произлегоа следните заклучоци:

1. Постојат иницијативи за основање на нови клубови во: Дебар; Маврово-Ростуше; Св. Николе; Кавадарци; Неготино; Ресен и два нови клубови во Скопје. На иницијативите работат повеќе претставници на Тимот на гувернерот за 2012/2013 и истите ќе бидат финализирани во наредниот период, а најдоцна до средината на мај 2013 година. 

2. Извештајот за работата на GMT координаторот, како и анализата за стабилноста и работата на клубовите во писмена форма ќе биде проследен до сите членови на тимот.

3. Покрај веќе утврдените критериуми за наградите Membership Excellence (Be a Lion – Touch a Heart) ќе биде направено едно дополнување во функција на дополнителна мотивација на клубовите. Сите клубови кои во текот на фискалната година, а заклучно со 15 мај 2013 година, примат најмалку нови 5 членови и притоа пораснат за барем 3 членови. Ако на крајот на фискалната година (30 јуни 2013) го задржат тој број на нето нови членови, тогаш ќе остварат можност да добијат награда Membership Excellence (Be a Lion – Touch a Heart). Меѓутоа, претседателите на тие клубови нема да можат да добијат награда 100% Club President.

Во петтата точка од дневниот ред се зборуваше за Развој на лидерство 2012/2013 и за спроведувањето на програмата за обуки, како и за организацијата на Worldwide Induction Day, на 13 април 2013 година. Заклучокот од оваа дискусија е следниот:

1. GLT координаторот ќе изработи целосна програма за годинешното одбележување на Worldwide Induction Day на 13 април 2013 година во која ќе ги опфати сите клубови, сите поголеми градски и lions центри и сите членови на Тимот на гувернерот за 2012/2013 година.

На крајот на состанокот, под точката разно членовите на тимот на гувернерот расправаа за кандидатурата на поранешниот меѓународен директор Фил НЕЈТАН за втор меѓународен потпретседател и го усвоија следниот заклучок:

1. Присутните се согласија lion Фил НЕЈТАН, поранешен меѓународен директор од МД105 Британски острови и Ирска да биде повторно кандидат на Lions Д132 Македонија за функцијата втор меѓународен потпретседател.

2. Резолуцијата за поддршка на кандидатурата со пропратно писмо и заверката на веродостојноста ќе биде проследена до кандидатот.

Четвртиот состанок ќе се одржи на 24 април 2013 година во Гевгелија.

SEVENTH ISSUE OF THE LION MAGAZINE IN MACEDONIAN

Пред неколку дена, го догледа светлото на денот седмиот број на LION магазинот на македонски јазик. Темата на овој број е роденденот на нашиот основач Мелвин Џонс и служењето со посебен осврт на акциите за служење на локалните заедници од сите наши клубови. Воедно ќе можете да прочитате и бројни други информации. Овој број излезе на 31 јануари 2013, но јас доцнам со неговото објавување на овој блог и на страната од Facebook. Од содржината на магазинот би издвоил полугодишниот извештај за 2012/2013, спроведени донации, активности, предлози за соработка и сл.

Уживајте во магазинот!

Преземете го магазинот од овој линк!

AND WE HAVE THE WINNER - ENVIRONMENTAL PHOTO CONTEST

Најголемото богатство на Република Македонија е нејзината единствена и наместа недопрена природа. Ако на светот му нудиме недопрена и единствена природа, тогаш и преку лајонистичкиот свет, треба да се потрудиме таа недопрена и единствена природа да ја претставиме.

Оваа година во нашиот дистрикт за прв пат се спроведе Lions натпреварот за избор на најдобра еко-фотографија, а на истиот учествуваа десетина наши lions-и. 

Секоја пријавена фотографија беше уникатна и нудеше поинакво видување за природата на нашето опкружување, убавините на руралната средина, флората и фауната, урбаните и руралните пејсажи, или пак климатските феномени. Секоја пристигната фотографија имаше квалитети за награда. Да се надеваме дека онаа која ќе го претставува нашиот дистрикт поради приказната која ја раскажува, како и поради својата убавина ќе успее да го впише нашиот дистрикт барем меѓу финалистите.

Процесот на пријавување беше отворен за сите членови на дистриктот, а по прибраните пријави се формираше комисија во која членуваа lions-и со следните професии/пасии: сликарство; фотографија; архитектура; графички дизајн; заштита на природата. Ниту еден од членовите на комисијата немаше пријавено своја фотографија на конкурсот. 

Правилата за гласањето беа едноставни, секој од членовите на комисијата избираше пет фотографии кои според своето видување ги сместуваше во една од предвидените категории, или специјалните теми. Фотографиите кои добиле барем два гласови поминаа во втората фаза.

Вкупно седум фотографии преминаа во втората фаза. Сите седум имате можност да ги видите во овој текст.

По првичната селекција втората комисија од lions-и уметници и уметнички критичари ја избра најдобрата еко-фотографија.

Приказната на победничката фотографија вели:

Во светот има само еден чун со рамно дно кој се правел од еден трупец (моноксилен) и тој го употребувале старите рибари во Дојран (Полин). Воедно, Дојранското езеро замрзнувало еднаш во 50 години.

Ако приказната е точна, тогаш...

Честитки за победникот lion Владимир Арсовски!

За да ги погледате сите пристигнати фотографии следете го линкот:LIONS ENVIRONMENTAL PHOTO CONTEST - D132 MACEDONIA