LIONS YOUNG AMBASSADOR 2013

На 23 овој месец, во просториите на NOVA International Schools во Скопје, се одржа првиот Национален натпревар за избор на Најдобриот Lions млад амбасадор на 21от век. Организатори на изборот беа Lions клубот Скопје МАКЕДОНИЈА New Century во партнерство со NOVA International Schools, а избраниот амбасадор, победникот на натпреварот, ќе биде нашиот претставник на натреварот за Најдобар млад амбасадор на 21от век на Европскиот Lions форум во Истанбул, Турција во октомври/ноември 2013 година.

Оваа година помеѓу 12 кандидати, соработници, помагачи, или пак партнери во служба, на нашите Lions клубови, односно членови во нашите Lions и Leo клубови се бараше млад лидер во заедницата ќе претстави свој проект за натамошен ангажман во заедницата и ќе говори на темата „Јас - In a World of Service“. Пријавените кандидати беа оценувани од специјално составена жири комисија во состав: група образование Венера Новаковска (NOVA International Schools) и проф. д-р Нинко Костовски (Универзитет американски колеџ – Скопје); група локална заедница Дивна Пешиќ (академски сликар и олимпиец) и Влатко Стефановски (композитор, гитарист, уметник); група бизнис заедница Луиза Камиловска (Орифлејм – Македонија) и Божидар Јанковски (Дајнерс Интернационал). Жири комисијата во оценувањето ги зеде предвид посветеност на служењето на заедницата на секој од кандидатите, нивните лидерски способности, академското портфолио итн. По говорот, односно презентацијата, секој од кандидатите имаше кратко интервју со членовите на жири комисијата, а често пати како поставувачи на прашања се јавуваа и некои од ентузијастите постари lions-и од публиката. 

Беше исклучително интересно да се слушнат презентациите и настапите на секој од учесниците. Нема подобар доказ од фактот дека во публиката од почеток до крај останаа приближно педесетина lions-и и други гости, кои и покрај тоа што натпреварот беше најавено да трае два, а траеше вкупно четири часа останаа. По завршувањето еден од членовите на жирито дури изјави дека заминува дома уверен дека има надеж за оваа држава каде младите се толку храбри и креативни. 

Сите учесници беа победници, поради храброста, креативноста, самодовербата, нивните досегашни ангажмани и поддршката која ни ја укажале на многу пати. Сепак, претставникот на дистриктот можеше да биде само еден. На крајот, по долга и тешка дебата беше прогласен победникот: Симона Сарафиновска, член на Leo клубот Скопје ЛУМОС и ученичка во NOVA International Schools која од дистриктот доби трофеј и диплома. На останатите учесници им беа доделени благодарници за нивното учество и им беше повторено очекувањето дека треба да ги видиме и следната година. Благодарница имаше и за секој од членовите на жирито за нивното партнерство и поддршката во реализирањето на проектот. Да се надеваме дека следната година ќе има повеќе учесници и уште многу интересни проекти.

THE MONTH OF INTERNATIONAL COOPERATION

Во месецот на меѓународната соработка добив извонредна можност да отворам нова страница во соработката на нашиот дистрикт со дистриктот 130 Бугарија. Секогаш доволно близу, но никогаш со толку ентузијазам за промена и подобрување на односите помеѓу обата дистрикти и народите на двете страни од границата како годинава. Гувернерот на дистриктот 130, Екатерина Игнатова од Софија, досега во повеќе наврати се обиде да ја отвори соработката на дистриктите, а конечно првата посета на некој наш актуелен гувернер се случи на 16 март 2013 година. Бугарските lions-и годинава на нивната национална прослава на Lions денот во Обединетите нации беа удостоени од повеќе меѓународни гости, поранешниот меѓународен директор Несим Леви од Турција, поранешниот гувернер на дистрикт и Европски ареа лидер за GMT Ханс-Петер Фишер. Таму беше и вице-гувернерката од Турција Бирсен Леви, а се разбира бевме и јас со мојата сопруга и партнер во Lions служба. 

Домаќините се беа потрудиле исклучително многу настанот да биде интересен и запаметен. Најнапред го избрале прекрасниот и супер модерен хотел ХИЛТОН во Софија за место на одржувањето на настанот; потоа составиле мошне интересна програма, а одбрале и многу интересн гостин говорник; на крајот, паралелен настан на прославата беше и бугарскиот институт за нови лидери кој обединуваше не само учесници од клубовите од Бугарија ами и странци. Сите овие слушатели беа дел од одбележувањето.

Пред почетокот на одбележувањето имав можност да го слушам поранешниот гувернер на дистриктот Неделко Младенов во неговото предавање за јавни настапи и говорништво од кое и покрај сите настапи на ораторските вечери и сето учење за Реториката имав можност да научам и јас.

Во единасет часот сите се наредивме за влез во салата и посета на Националниот Lions ден во Обединетите нации. На влезот од салата „Четири годишни времиња“ банер на дистриктот на кој секој од присутните требаше да остави трага за своето учество, автограми на сите пристуни lions-и, а малку потаму специјална маса на која храбрите учесници можеа да си ги пробаат вештините во правење леб. Меѓу храбрите бевме обајцата македонски учесници на настанот. Рековме ова е можност да бидеме вистински дел од настанот.

Тема на прославата беше лебот и неговите терапевтски својства. Многу lions-и, многу националности, но еден ист производ. Организаторите ветија дека секое замесено парче ќе можеме да ги пробаме веднаш по завршувањето на програмата. 

Како и вообичаено големите lions собири треба да ги искористиме за да им заблагодариме на сите наши соработници и помагачи за нивниот ангажман. Гувернерката Екатерина го стори токму тоа, им заблагодари на сите, нејзините претходници, нејзините соработници, на нејзините lions-и, а на крајот и на нејзините гости. 

Програмата за одбележување на Lions денот во ООН во Бугарија беше посветена на д-р Надежда Савова, професор на Принстон Универзитетот во САД, антрополог на традиционалната кујна, истражувач, патеписец, прогласена за патувач на годината 2012 од National Geographic магазинот. Д-р Савова воедно е основач на меѓународната организација „Куќа на лебот“ каде успешно ги комбинира митологијата на лебот и печката, со лебната терапија во подобрувањето на заедницата во која служи. Во 20 минутното предавање успеавме да слушнеме безброј работи кои навидум познати ни дадоа сосема ново видување за лебот и митологијата поврзана со него. Почнувајќи од печката во која се пече лебот и пештерата во која е роден Исус Христос, па до именувањето на лебот како „телото Христово“ секоја приказна се повеќе наликуваше на оние кои нашите баби ни ги раскажуваа дури месеа леб, или пак не молеа да каснеме залак пред да отрчаме одново по топката. Следуваше претставувањето на бугарскиот победник од натпреварот за еко-фотографија, интересна фотографија од пештерска уметност која своето светло на денот веќе го беше видела во National Geographic Traveler магазинот, како и претставувањето на други успеси на дистриктот во изминатата година. Крајот на прославата го одбележа мирисот на тазе испечен леб и прекрасните вина на винаријата „Ахаја Клаус“ основана во далечната 1854 година во Патрас, Грција, кои во Софија ги претстави lion Христос Мојсидис од Lions клубот ПАТРАС од Грција. Со „телото и крвта Христови“ (н.з. леб и вино) наздравивме за успесите на Lions дистриктот 130 Бугарија и идната поблиска соработка со нашиот Lions дистрикт 132 Македонија. Служиме - за многу години!

COMMITTEES OF THE 5th NATIONAL CONVENTION

На својата последна седница, 23 март 2013 година, Кабинетот на дистриктот ги утврди и комитетите за спроведување на националната конвенција 2013 година. Во продолжение следуваат комитетите, нивната организација и надлежности, како и нивниот состав:

КОМИТЕТ ЗА СЕРТИФИКАЦИЈА И АКРЕДИТАЦИЈА 

Комитетот за сертификација и акредитација на Националната конвенција ќе го сочинуваат Гувернерот на дистриктот, како претседавач, Секретарот на кабинетот и двајца други членови, кои не се од редот на функционери на конвенцијата. Комитетот за акредитација ќе ги има овластувањата за сертификација на пријавените делегати/алтернативни делегати и акредитација на нивното учество на конвенцијата. 

СОСТАВ НА КОМИТЕТОТ: 

1. Андреја СТОЈКОВСКИ, Гувернер на дистриктот; 
2. Давор КАРАКАШЕВ, Секретар на кабинетот; 
3. ЧЛЕН 1: Лилјана ВЕЛЈАНОВСКА;
4. ЧЛЕН 2: Сашо ЉУШЕВСКИ;

КОМИТЕТ ЗА ИЗБОРИ

Пред конвенцијата, гувернерот на дистриктот ќе именува комитет за избори составен од претседавач и двајца членови. Секој од номинираните кандидати за било која од функциите во дистриктот ќе има можност да предложи набљудувач во комитетот. 

Комитетот ќе биде задолжен за спроведувањето на изборите (подготовка на материјали, прибирање на гласачките ливчиња, пребројување на гласовите, разрешување на спорови околу гласањето и тн. Одлуката на комитетот е конечна и обврзувачка. 

СОСТАВ НА КОМИТЕТОТ: 

1. Давор КАРАКАШЕВ, Секретар на кабинетот; 
2. ЧЛЕН 1: Димитар ПАНЧЕВСКИ, Координатор во Кабинетот на дистриктот; 
3. ЧЛЕН 2: Соња БОЈАЏИЕВА, GMT Координатор; 
4. НАБЉУДУВАЧ 1: Гоце БУРЗЕВСКИ; 
5. НАБЉУДУВАЧ 2: Марјан ТАЛЕВ;
6. НАБЉУДУВАЧ 3: Константин ЦВЕТАНОВ;

КОМИТЕТ ЗА РЕЗОЛУЦИИ 

Пред конвенцијата, гувернерот на дистриктот ќе именува комитет за резолуции составен од претседавач и двајца членови. 

Комитетот ќе биде задолжен за подготовка на работата на конвенцијата и утврдување на нацрт-резолуциите кои ќе бидат усвоени на конвенцијата. 

СОСТАВ НА КОМИТЕТОТ: 

1. Ангел ГЕОРГИЕВСКИ, Поранешен гувернер на дитриктот; 
2. ЧЛЕН 1: Звонимир ЦВЕТАНОВСКИ, GLT Координатор;
3. ЧЛЕН 2: Давор КАРАКАШЕВ, Секретар на кабинетот;

КОМИТЕТ ЗА ОРГАНИЗАЦИЈА НА КОНВЕНЦИЈАТА 

Комитетот за организација на конвенцијата ќе го сочинуваат Гувернерот на дистриктот, како претседавач, еден од поранешните гувернери на дистриктот како заменик претседавач и петмина членови. 

Комитетот ќе биде задолжен за подготовка на конвенцијата, мотивирање на клубовите за нивно учество на конвенцијата, утврдување на локациите за одржување на конвенцијата и сите дополнителни настани, организирање на учеството на меѓународните гости и сл. 

СОСТАВ НА КОМИТЕТОТ: 

1. Андреја СТОЈКОВСКИ, Гувернер на дистриктот; 
2. Небојша ДАВИДОВСКИ, Поранешен гувернер на дитриктот; 
3. ЧЛЕН 1: Слободан ВУКИЌЕВИЌ, Претседавач на регион; 
4. ЧЛЕН 2: Александар МАТЕВСКИ, Претседавач на зона; 
5. ЧЛЕН 3: Давор КАРАКАШЕВ, Секретар на кабинетот; 
6. ЧЛЕН 4: Михајло ШИРГОСКИ, Претседавач на регион;
7. ЧЛЕН 5: Пеце ПЕТРЕСКИ, Претседавач на зона;

5th NATIONAL CONVENTION CALENDAR

На својата последна седница, 23 март 2013 година, Кабинетот на дистриктот го утврди календарот за спроведување на националната конвенција 2013 година. Во календарот се вметнати сите активности на дистриктот, но и оние на клубовите кои и претходат на конвенцијата. Помеѓу вклучените активности на календарот е и известувањето за резултатите од конвенцијата кое следува по завршувањето на конвенцијата.

1. НАЈАВА ЗА НАЦИОНАЛНА КОНВЕНЦИЈА - 01 април 2013 година

Гувернерот на дистриктот ќе направи најава за 5тата Национална конвенција на почетокот на месецот во кој се прават триесет (30) дена пред датумот утврден за нејзиното одржување. Во најавата ќе биде назначен денот на одржување на истата.

2. РЕЗОЛУЦИИ ЗА НАЦИОНАЛНА КОНВЕНЦИЈА - 16 април 2013 година

Клубовите во дистриктот ќе можат да упатат предлог на резолуција најдоцна петнаесет (15) дена од датумот во кој е направена најавата за 5тата Национална конвенција. 

3. РЕЗОЛУЦИИ ЗА НАЦИОНАЛНА КОНВЕНЦИЈА - 21 април 2013 година

Секретарот на кабинетот сите примени предлози за резолуции ќе ги достави до Комитетот за резолуции за претходно разгледување најдоцна пет (5) дена од завршувањето на рокот за предлагање, а најдоцна на денот на упатувањето на отворениот повик за Националната конвенција и до сите клубови во дистриктот. 

4. ОТВОРЕН ПОВИК ЗА НАЦИОНАЛНА КОНВЕНЦИЈА - 24 април 2013 година

Гувернерот на дистриктот ќе упати отворен повик до целото членство за учество на 5тата Национална конвенција најдоцна триесет (30) дена пред датумот утврден за нејзиното одржување. Во отворениот повик ќе бидат назначени локацијата, местото на одржување, денот и часот во кој истата ќе започне. 

5. КЛУЧЕН ДАТУМ, ИЛИ ПРЕСЕК ЗА УЧЕСТВО НА КОНВЕНЦИЈАТА - 01 мај 2013 година 

Сите новопријавени клубови, односно сите новопријавени членови во постојните клубови заклучно со утврдениот датум ќе бидат земени предвид при пресметувањето на бројот на дозволени делегати од клубовите. 

6. ПРИЈАВИ ЗА СЕРТИФИКАЦИЈА - 10 мај 2013 година 

Клубовите во дистриктот откако ќе одлучат за своите делегати/алтернативни делегати ќе ги достават пријавите за нивна сертификација најдоцна до почетокот на месецот во кој се одржува конвенцијата, а барем десет (десет) дена по упатувањето на отворениот повик за истата. 

7. ПРИЛОЗИ ЗА ПОДГОТОВКА НА ГОДИШНИОТ И ФИНАНСИСКИ ИЗВЕШТАЈ - 10 мај 2013 година 

Клубовите во дистриктот ќе ги одберат своите најуспешни активности (најмногу 5) од 2012/2013 година и за истите ќе достават фотографии и текст за објаснување (текстот може да биде најмногу од 150 карактери) кои ќе бидат вклучени во првиот дел од годишниот извештај посветен на работата на клубовите. Избраните материјали клубовите ќе ги достават до Секретарот на кабинетот најдоцна петнаесет (15) дена по упатувањето на Отворениот повик за националната конвенција. 

8. ДНЕВЕН РЕД НА КОНВЕНЦИЈАТА - 14 мај 2013 година 

Гувернерот на дистриктот ќе го утврди дневниот ред на Националната конвенција и истиот ќе го достави до сите клубови најдоцна десет (10) дена пред одржувањето на истата. 

9. УЧЕСТВО НА КЛУБСКА ВЕЧЕР - 19 мај 2013 година 

Секој член на дистриктот може да учествува на „Клубската вечер“ која се организира на 24 мај 2013 година. Пријавите на учесниците и уплатата на сумата за вечерата ја прави секретарот на секој клуб најдоцна пет (5) дена пред одржувањето на настанот. 

10. МАТЕРИЈАЛИ ЗА КОНВЕНЦИЈАТА - 19 мај 2013 година 

Секретарот на кабинетот ќе ги достави на сите пријавени делегати/алтернативни делегати поголемиот дел од материјалите за конвенцијата вклучувајќи ги тука и годишниот и финансискиот извештај, предлозите за резолуциите, како и биографиите на кандидатите за офицери на дистриктот најдоцна пет (5) дена пред почетокот на конвенцијата. 

11. ГЛАСАЧКО ЛИВЧЕ - 19 мај 2013 година 

Комитетот за избори ќе го утврди конечниот изглед на гласачкото ливче најдоцна пет (5) дена пред одржувањето на конвенцијата. 

12. ИЗВЕШТАЈ ЗА ЗАВРШЕНАТА КОНВЕНЦИЈА - 24 јули 2013 година 

Секретарот на кабинетот во рок од шеесет (60) дена по затворањето на Националната конвнеција, ќе достави една копија од официјалниот извештај од Конвенцијата до Меѓународната асоцијација. На барање на одреден клуб од дистриктот ќе му биде доставен истиот извештај. 

THIRD DISTRICT CABINET MEETING

На 23 март 2013 година, со почеток во 11.00 часот, во NOVA International Schools во Скопје се одржа третиот состанок на Кабинетот на дистриктот.

Точка 1 - Статус на дистриктот и развој на членство и лидерство во 2012/2013

• Извештај од одржаната координативна средба за GMT/GLT со Тимот на гувернерот на дистриктот од 06 февруари 2013 година.

1. Кабинетот на дистриктот констатираше дека поради финансиска суспензија беа загубени 9 клубови од кои 2 веќе беа вратени во активен статус, а 1 клуб (ВОДНО) донесе одлука за самораспуштање. Долгот кон LCI  е подмирен и од страна на Lions клубот ШТИП, за кој останува да се заврши процесот на реактивација.
2. Кабинетот одлучи приорет во наредниот период да имаат членовите и оттаму заклучи дека ќе се направат напори за реактивација на сите паднати клубови, односно ќе се префрлат дел од членството на клубовите ТУМБА и ВОДНО во другите клубови.
3. Задолжени за реактивација на клубовите и задржување на членството од претходниот заклучок се:
1. ВОДНО (членство) – Звонимир ЦВЕТАНОВСКИ;
2. ДЕНАРИУС – Небојша ДАВИДОВСКИ;
3. ТУМБА (членство) – Александар МАТЕВСКИ;
4. ШТИП – Даница ДОНЧОВСКА;
5. ПРОБИШТИП – Драги ФИЛЕВСКИ;
6. РАДОВИШ – Слободан ВУКИЌЕВИЌ;
7. СТРУГА – Андреја СТОЈКОВСКИ.

4. Кабинетот на дистриктот го поздрави регистрирањето на Lions клубот Битола БАС и им посака добредојде на 24 нови членови. Исто така, Кабинетот ја прифати информацијата за организација на Lions клубот Скопје ХИПОКРАТ и Lions клубот Скопје ДИПЛОМАТИК.
5. Кабинетот заклучи да се обноват сите напори за основање на нови клубови во Кавадарци, Неготино, Ресен, Свети Николе, Дебар на Медицинскиот, Стоматолошкиот и Фармацевтскиот факултет во Скопје, како и основањето на уште еден клуб во Струмица – ОДГОВОРЕН за координација на овие напори е GMT координаторот на дистриктот – Соња БОЈАЏИЕВА.
6. Сите зонски претседавачи во наредниот период, а најдоцна до 15 април 2013 година ќе организираат средби на Советодавните комитети, со своите клубови од зоните, а ќе направат и посета на секој од своите клубови. На средбите: ќе ја потенцираат потребата секој клуб порасне барем за еден (1) член, односно да брои најмалку 25 членови; ќе посочат на потребата натамошно следење на програмата на активности и пријавувањето на истите; ќе посочат на критериумите за CLUB EXCELLENCE AWARD; како и на подготовките за учество на претстојната Национална конвенција и потребата од што поголемо учество на клубовите на истата. Своите извештаи зонските претседавачи, заедно со забелешките за работата и функционирањето на постојните клубови ќе ги изнесат на 4тата средба за координација за GMT/GLT на 15 април 2013 година.
7. До следната средба за координација за GMT/GLT која ќе се одржи на 15 април 2013 година, а во насока на подобра подготовка на зонските претседавачи и особено оние кои оваа функција ќе ја извршуваат во текот на наредната година, GLT координаторот ќе одбере конкретни теми (точки) за обука соодветни за следните профили за сениор лидери: Guiding Lions, Претседавачи на регион и Претседавачи на зона, по кои ќе биде спроведена обука, односно ќе им бидат поделени за нивно натамошно користење.
8. Кабинетот го прифати планот за организирање на Worldwide Induction Day на 13 април 2013 година и предвидениот распоред на офицери и учесници; притоа утврди дека:
1. најдоцна до среда, 27 март 2013 година, ќе бидат утврдени локациите за одржување на настанот и предвидениот говорник од локалната заедница – ОДГОВОРЕН е овластениот офицер за воведување во членство;
2. најдоцна до среда, 27 март 2013 година, ќе биде изработена единствена презентација за основите на нашето движење во светот и во Македонија која ќе биде доставена до сите утврдени предавачи – ОДГОВОРЕН е GLT координаторот на дистриктот – Звонимир ЦВЕТАНОВСКИ;
3. Најдоцна до петок, 05 април 2013 година, ќе бидат отпечатени меморијални сертификати за сите новопримени членови кои ќе учествуваат на настанот – ОДГОВОРЕН е Давор КАРАКАШЕВ;
4. На настанот ќе бидат поканети да учествуваат спонзорите на новите членови, другите постојни членови на клубовите и потенцијални членови од други градови каде што не постои Lions клуб.

9. Покрај редовните работни обврски и координацијата на проекти, региските претседавачи во наредниот период ќе треба да се фокусираат на послабите клубови и да се погрижат истите да издржат до крајот на годината, да се стабилизираат и да го подобрат статусот на своето членство, а ќе работат и на развојот на ново членство:
1. Елизабета СРБИНОВСКА-КОСТОВСКА ќе помогне во задржувањето и зајакнувањето на клубовите: ТЕТОВО и КАЛЕ; а ќе работи на основање на Кампус клуб во Скопје со студенти и наставници од Медицинскиот факултет; Фармацевтскиот факултет и Стоматолошкиот факултет;
2. Љубица АНГЕЛКОВА-МАНГОВСКА ќе помогне во задржувањето и зајакнувањето на клубовите: ХЕРАКЛЕЈА; УИСТ; ПРИЛЕП и ДЕМИР ХИСАР; а ќе работи на основањето на клубот во Ресен;
3. Слободан ВУКИЌЕВИЌ ќе работи на задржувањето и зајакнувањето на клубот 33; а ќе помогне во основањето на Кампус клуб во Скопје со студенти и наставници од Медицинскиот факултет; Фармацевтскиот факултет и Стоматолошкиот факултет, како и новиот клуб во Струмица;
4. Михајло ШИРГОСКИ ќе работи на задржувањето и зајакнувањето на клубовите ПАЈКО, МААЛО, ФЕНИКС, ВЕЛЕС и ИДАДИЈА; а ќе работи на можното основање на нов клуб во Битола.
10. На истекот на Март 2013 година сите клубови оствариле 323 активности, во 16212 волонтерски часови и со вредност од 146.168 американски долари, притоа само 25 клубови оваа година известиле за своите активности.

Точка 2 - Годишна програма за 2012/2013

• Извештаи од региските претседавачи и соодветни членови на кабинетот.

1. Кабинетот на дистриктот заклучи дека поради финансиската состојба дистриктот не е во можност да ја спроведе програмата за младинска размена според утврдениот план.
2. Кабинетот на дистриктот ги задолжи lion Марјан ТАЛЕВ и lion Зоран ТИЛЕСКИ да помогнат да се обезбеди сместување на пријавените 12 младинци во семејства во клубовите во Битола (Прилеп, Крушево и Кичево), односно во Охрид. Координаторот за младинска размена ќе ја следи состојбата и на следната координација за GMT/GLT на 15 април 2013 ќе го извести Тимот на гувернерот за резултатите и ќе препорача преземање на итни мерки.

ПОРАДИ НЕДОСТАТОК НА ВРЕМЕ РАСПРАВАТА ПО ОВАА ТОЧКА БЕШЕ ОДЛОЖЕНА, А ПРЕДВИДЕНИТЕ ИЗВЕСТУВАЊА ЌЕ БИДАТ ПРОСЛЕДЕНИ ВО ТЕКОТ НА ОВАА НЕДЕЛА ПО Е-ПОШТА.

Точка 3 - Известување за утврдени кандидатури за офицери на дистриктот за 2013/2014

• Известување од состанокот на Тимот на гувернерот за усвојување на кандидатурите за гувернер на дистриктот 2013/2014 и прв и втор вице-гувернери на дистриктот за истата година.

1. Тимот на Гувернерот за 2012/2013 на својот последен состанок ги прифати кандидатурите за гувернер на дистриктот, прв и втор вице-гувернери за 2013/2014 и препорача истите да бидат ставени на гласање на 5тата Национална конвенција.
2. Усвоени се кандидатурите на следните lions-и:
1. Lion Јелица КРТОЛИЦА за кандидат за гувернер на дистриктот за 2013/2014 година. Lion Кртолица досега ги вршела функциите претседател на својот клуб, претседавач на зона, претседавач на регион, втор вице-гувернер на дистриктот и во оваа година 2012/2013 служи како прв вице-гувернер на дистриктот.
2. Lion Драги ФИЛЕВСКИ за кандидат за прв вице-гувернер на дистриктот. Lion Филевски досега служел на повеќе функции, меѓу кои претседавач на зона, претседавач на регион, а оваа година 2012/2013 служи како втор-вице гувернер на дистриктот.
3. Lion Звонимир ЦВЕТАНОВСКИ за кандидат за втор вице-гувернер на дистриктот. Lion Цветановски досега ги вршел функциите претседател на својот клуб, секретар во својот клуб, секретар на кабинетот, а во последните две години 2011/2013 служи како GLT координатор на дистриктот.

Точка 4 - Подготовки за организирање на 5. Национална конвенција на дистриктот

• Утврдување на календар за 5. Национална конвенција на дистриктот и програма за конвенцијата. Именување на органи и тела за спроведување на конвенцијата, како и утврдување на листа на делегати на клубовите.

1. Кабинетот на дистриктот го потврди датумот на 5. Национална конвенција на дистриктот за 24-25 мај 2013 година. Воедно кабинетот на дистриктот го утврди пакетот за 5. Национална конвенција на дистриктот кој ги содржи: Календарот за подготовки и одржување на Националната конвенција (прилог 1); Провизорната агенда за Националната конвенција (прилог 2); Формуларот за пријава на делегати и алтернативни/делегати (прилог 3); Формуларот за замена на делегати и алтернативни/делегати (прилог 4); Формуларот за сертификација на делегатите на Националната конвенција (прилог 5); Објаснувањето – често поставувани прашања за Националната конвенција (прилог 6);
2. Кабинетот на дистриктот го утврди составот на работните тела за подготовка и спроведување на Националната конвенција:

1. КОМИТЕТ ЗА СЕРТИФИКАЦИЈА И АКРЕДИТАЦИЈА - го сочинуваат Гувернерот на дистриктот, како претседавач, Секретарот на кабинетот и двајца други членови, кои не се од редот на функционери на конвенцијата. Комитетот за акредитација ќе ги има овластувањата за сертификација на пријавените делегати/алтернативни делегати и акредитација на нивното учество на конвенцијата. Составот на овој комитет е: Андреја СТОЈКОВСКИ, гувернер на дистриктот; Давор КАРАКАШЕВ, секретар на кабинетот; Лилјана ВЕЛЈАНОВСКА, член (Lions клуб БИТОЛА); Сашо ЉУШЕВСКИ, член (Lions клуб Охрид ДЕСАРЕТИ).
2. КОМИТЕТ ЗА ИЗБОРИ - Пред конвенцијата, гувернерот на дистриктот ќе именува комитет за избори составен од претседавач и двајца членови. Секој од номинираните кандидати за било која од функциите во дистриктот ќе има можност да предложи набљудувач во комитетот. Комитетот ќе биде задолжен за спроведувањето на изборите (подготовка на материјали, прибирање на гласачките ливчиња, пребројување на гласовите, разрешување на спорови околу гласањето и тн. Одлуката на комитетот е конечна и обврзувачка. Составот на овој комитет е: Давор КАРАКАШЕВ; Димитар ПАНЧЕВСКИ; Соња БОЈАЏИЕВА; Гоце БУРЗЕВСКИ (набљудувач за lion Кртолица); Марјан ТАЛЕВ (набљудувач за lion Филевски); Константин ЦВЕТАНОВ (набљудувач за lion Цветановски).
3. КОМИТЕТ ЗА РЕЗОЛУЦИИ - Пред конвенцијата, гувернерот на дистриктот ќе именува комитет за резолуции составен од претседавач и двајца членови. Комитетот ќе биде задолжен за подготовка на работата на конвенцијата и утврдување на нацрт-резолуциите кои ќе бидат усвоени на конвенцијата. Составот на овој комитет е: Ангел ГЕОРГИЕВСКИ; Димитар ПАНЧЕВСКИ; Звонимир ЦВЕТАНОВСКИ.
4. КОМИТЕТ ЗА ОРГАНИЗАЦИЈА НА КОНВЕНЦИЈАТА - Комитетот за организација на конвенцијата ќе го сочинуваат Гувернерот на дистриктот, како претседавач, еден од поранешните гувернери на дистриктот како заменик претседавач и петмина членови. Комитетот ќе биде задолжен за подготовка на конвенцијата, мотивирање на клубовите за нивно учество на конвенцијата, утврдување на локациите за одржување на конвенцијата и сите дополнителни настани,  организирање на учеството на меѓународните гости и сл. Составот на овој комитет е: Андреја СТОЈКОВСКИ; Небојша ДАВИДОВСКИ; Михајло ШИРГОСКИ; Слободан ВУКИЌЕВИЌ; Александар МАТЕВСКИ; Пеце ПЕТРЕСКИ.

LIONS WORLDWIDE INDUCTION DAY

Светскиот Lions ден за воведување во членство (Lions Worldwide Induction Day) е настан кој ги обединува сите клубови и новите членови ширум светот во активност, и притоа нуди единствена можност за зајакнување на членството и за подигање на свеста кај јавноста за постоењето и работата на Lions Clubs International. Оваа година Lions Worldwide Induction Day за прв пат се одбележува кај нас, а кој ќе се случува на 13 април 2013 покрај во Lions дистрикт 132 МАКЕДОНИЈА ќе ги опфати и сите останати 742 дистрикти во светот.

Ова е единствена можност сите клубови кои веќе имаат отпочнато со постапка за прием во членство на одредени кандидати, истата да ја приведат кон крај во текот на овој месец. На тој начин сите новопримени членови ќе можат да учествуваат во настаните по повод Светскиот Lions ден за воведување во членство. Досега повеќе клубови (БИТОЛА, Битола КАБАДАЈА, ДЕМИР ХИСАР, ГЕВГЕЛИЈА, Охрид ДЕСАРЕТИ, ПРИЛЕП, СКОПЈЕ, Скопје 33, Скопје ЦЕНТАР, Скопје ЈУСТИНИЈАН, Скопје МАКЕДОНИЈА, Скопје ПАЈКО МААЛО, Скопје ФЕНИКС, Скопје СВ. ПАНТЕЛЕЈМОН, Скопје СВЕТЛИНА и ВЕЛЕС) имаат пријавено нови членови, а очекувам дека истото ќе го сторат и оние клубови кои веќе најавија нови членови. Во оваа пригода би сакал да ги замолам сите претседатели на сите клубови од државата да се погрижат секој новопримен член да биде пријавен најдоцна до 31 март 2013 година. Специјален меморијален сертификат за учество на Lions Worldwide Induction Day ќе биде отпечатен само за оние новопримени членови кои ќе бидат пријавени до утврдениот термин.

Одбележувањето на 13 април 2013 година, со посебна програма, ќе започне точно во 12.00 часот, а ќе ги опфати сите клубови кои имаат примено нови членови, односно следните десет градови од државата (Битола, Демир Хисар, Гевгелија, Охрид, Прилеп, Скопје, Велес, Куманово, Тетово, и Штип). На програмата на настанот ќе бидат следните содржини:

• предавање “Lions Fundamentals” (за основите на и основните податоци за движењето и дистриктот);
• обраќање на член на заедницата;
• свечена церемонија за воведување во членство;
• доделување на специјални меморијални сертификати на новите членови.

На последната, трета средба за координација за GMT/GLT зборувајќи за напорите за задржување на членството беше усвоен заклучок со кој на оваа активност и се дава приоритет, а сите членови на Тимот на гувернерот за 2012/2013 ќе бидат на располагање и ќе учествуваат во настанот со доделената задача. Оттаму, тимови од двајца, или повеќе lions-и составени од еден од постојните предавачи од Lions Leadership институтот на дистриктот, како и други искусни lions-и, и еден висок офицер на дистриктот ќе бидат задолжени за организација и водење на настанот во соодветните (доделените) градови.

Ги молам претседателите на локалните клубови од наведените градови во координација со предвидениот висок офицер на дистриктот за водење на церемонијата да одлучат за две исклучително важни прашања:

• да изберат место за одржување на настанот и притоа да ги повикаат сите членови на својот клуб да учествуваат на истиот и да бидат сведоци на примот во членство на новите членови;
• да одредат кој ќе биде претставникот на локалната заедница кој би бил повикан да се обрати пред присутните. Темата на обраќањето треба да биде Волонтерската активности; Општествената одговорност; секако Улогата на Lions Clubs International во промоцијата на обата концепти.

Конечно, ги молам одговорните офицери на дистриктот во соработка со GMT координаторот и претседателите на локалните клубови да ги повикаат сите потенцијални членови на движењето како би имале можност да се информираат за работата на асоцијацијата и да го следат настанот.

Повикувањето на потенцијалните членови, како и спроведувањето на Lions Worldwide Induction Day во нашиот дистрикт ќе се одвива според следниот распоред:

ГРАД ДОМАЌИН (поканети градови)	Предавач од Leadership Institute Овластен дистрикт офицер
БИТОЛА (Ресен)	Марија ДОДОВСКА Љубица АНГЕЛКОВА-МАНГОВСКА
ОХРИД (Струга, Дебар)	Зоран ТИЛЕСКИ и Габриела РАКИЧЕВИЌ Драги ФИЛЕВСКИ
ДЕМИР ХИСАР (Кичево)	Марјан ТАЛЕВ Сашо ВАСИЛЕВСКИ
СКОПЈЕ	Зоран ИЛИЌ и Билјана КОСТОВСКА Андреја СТОЈКОВСКИ
ГЕВГЕЛИЈА (Струмица)	Марина СВИЛИЧИЧ Михајло ШИРГОСКИ
ВЕЛЕС (Кавадарци, Неготино)	Соња БОЈАЏИЕВА и Пеце ПЕТРЕСКИ Ангел ГЕОРГИЕВСКИ
КУМАНОВО (Св. Николе)	Александар МАТЕВСКИ Елизабета СРБИНОВСКА-КОСТОВСКА
ТЕТОВО (Маврово, Гостивар)	Звонимир ЦВЕТАНОВСКИ Слободан ВУКИЌЕВИЌ
ШТИП (Радовиш, Пробиштип)	Даница ДОНЧОВСКА и Небојша ДАВИДОВСКИ
ПРИЛЕП (Крушево)	Весна ПАЦАНОСКА Јелица КРТОЛИЦА

При организацијата на локалните настани имајте ги предвид следниот календар за исполнување на обврските:

• 22 март 2013 година, последен рок за утврдување на локацијата за одржување на настанот и претставникот на локалната заедница кој ќе биде поканет да се обрати на истиот (претседателите на клубовите во координација со одговорниот офицер);
• 31 март 2013 година, последен рок за пријавување на новите членови во клубовите (претседателите на клубовите);
• 1 април 2013 година, рок за упатување на првата покана за учество на настанот (претседателите на клубовите за сите членови, постојни и нови, односно GMT координаторот за иницијативите за нови клубови и згаснатите клубови);
• 10 април 2013 година, рок за упатување на втората покана за учество на настанот (претседателите на клубовите за сите членови, постојни и нови, односно GMT координаторот за иницијативите за нови клубови и згаснатите клубови).

NINTH MONTHLY ADDRESS TO ALL LIONS

Драги пријатели lions-и,

Добредојдовте во деветтиот месец од оваа 2012/2013 фискална година, во месецот на меѓународната соработка. Ова е деветто месечно обраќање за оваа фискална година кое треба да ви послужи како извештај или потсетник, и секако како информатор за нашите активности.

Во месецот што измина продолжија редовните работни средби во клубовите.

Согласно статутот и правилниците гувернерот на дистриктот го претставува и застапува дистриктот, а тоа го прави и преку редовните посети на клубовите.

Оттаму, според календарот за годинава, во изминатиот месец имав можност да прошетам низ сеќавањата и да посетам два од нашите најстари клубови, а добив извонредна можност да учествувам и на Bon Vivant вечерта во организација на Lions клубот Битола КАБАДАЈА. Пред самиот крај на месецот, а во делот на редовните посети, имав чест и задоволство заедно со членовите на клубот, нивни пријатели, поддржувачи, партнери и соработници да празнувам по повод петтата годишнина на Lions клубот КУМАНОВО. Воедно, изминатиот месец беше организиран третиот координативен состанок за GMT и GLT.

Во текот на изминатиот месец го финализиравме националниот избор за најдобра еко-фотографија.

Приказната на победничката фотографија вели: „Во светот има само еден чун со рамно дно кој се правел од еден трупец (моноксилен) и тој го употребувале старите рибари во Дојран (Полин). Воедно, Дојранското езеро замрзнувало еднаш во 50 години.“ Ако приказната е точна, тогаш...

Честитки за победникот lionВладимир Арсовски!

За да ги погледате сите пристигнати фотографии следете го линкот: LIONS ENVIRONMENTAL PHOTO CONTEST - D132 MACEDONIA

Во текот на изминатиот месец Тимот на гувернерот за 2012/2013 година ги утврди кандидатурите за гувернер на дистриктот и прв и втор вице-гувернер на дистриктот за 2013/2014 година.

На координативната средба која се одржа на 6 февруари 2013 година Тимот на гувернерот најпрвин ги разгледа кандидатурите за офицери на дистриктот за 2013/2014 година. Во расправата со која претседаваше претходниот гувернер на дистриктот Сашо Василевски беше усвоен следниот ЗАКЛУЧОК:

1. Почесниот комитет на Гувернерот на дистриктот на својот последен состанок во средината на ноември 2012 година ги утврди кандидатурите за гувернер на дистриктот, прв и втор вице-гувернери за 2013/2014.
2. Истите, во името на Почесниот комитет, на Тимот на гувернерот на дистриктот за 2012/2013 му ги предлага за усвојување, Претседавачот на комитетот, поранешниот гувернер на дистриктот Небојша Давидовски.
3. Тимот на гувернерот на дистриктот за 2012/2013 ги усвои кандидатурите на следните lions-и:
1. Lion Јелица КРТОЛИЦА за кандидат за гувернер на дистриктот за 2013/2014 година. Lion Кртолица досега ги вршела функциите претседател на својот клуб, претседавач на зона, претседавач на регион, втор вице-гувернер на дистриктот и во оваа година 2012/2013 служи како прв вице-гувернер на дистриктот.
2. Lion Драги ФИЛЕВСКИ за кандидат за прв вице-гувернер на дистриктот. Lion Филевски досега служел на повеќе функции, меѓу кои претседавач на зона, претседавач на регион, а оваа година 2012/2013 служи како втор-вице гувернер на дистриктот.
3. Lion Звонимир ЦВЕТАНОВСКИ за кандидат за втор вице-гувернер на дистриктот. Lion Цветановски досега ги вршел функциите претседател на својот клуб, секретар во својот клуб, секретар на кабинетот, а во последните две години 2011/2013 служи како GLT координатор на дистриктот.
4. Тимот на гувернерот за 2012/2013 година предлага Националната конвенција на Lions дистриктот 132 Македонија на 25 мај 2013 година да ги избере утврдените кандидати за нови офицери на дистриктот.

Во текот на овој месец да го зајакнеме членството во нашите клубови.

„Повеќе членови значат и повеќе раце во служба на заедницата, а тоа пак од другата страна ќе значи повеќе среќни луѓе чии потреби се задоволени.“

Да имаме предвид дека приемот на новите членови не го правиме поради дистриктот или потребата да се зголемува членството. Приемот на нови членови го правиме за да можеме во постоечките клубови да внесеме свежина, нови идеи, нови знаења и вештини, нова мрежа на познанства; да внесеме нова енергија од ентузијазмот на новите членови. Оттаму секој еден нов член за клубот значи поголема шанса да продолжи уште поуспешно да работи.

Нашата цел оваа година е секој од нашите клубови да оствари нето пораст од барем два нови членови. Зајакнувањето на членството е едноставна работа. Запаметете, се што треба да сторите е да го поканите новиот член!

За повеќе информации каде да барате нови членови и за програмите за нови членови на Lions Clubs International следете го овој линк: How to Become a Lion

Во текот на овој месец да се подготвиме за изборите во клубот.

Статутот на Меѓународната асоцијација на Lions клубовите и Правилата на Меѓународниот Борд на директори велат дека секој клуб е должен да спроведе избори за клубско раководство најдоцна до 15 април во тековната година. Оттаму, ова е месецот во кој ќе треба да се потсетите на статутот и на одредбите за избори и да започнете со процедурата. Најнапред утврдетете ја Комисијата за номинации, а потоа и кандидатурите за вашето клубско раководство. Водете сметка, при номинациите да ја земете предвид и кандидатурата на Првиот потпретседател на клубот за клубски претседател во 2013/2014 година.

Во текот на овој месец ќе го избереме нашиот Lions Young Ambassador.

На 23 март 2013, во просториите на NOVA International Schools во Скопје, ќе се одржи Националниот натпревар за избор на Најдобриот Lions млад амбасадор на 21от век. Победникот на натпреварот ќе биде нашиот претставник на натреварот за Најдобар млад амбасадор на 21от век на Европскиот Lions форум во Истанбул, Турција во октомври/ноември 2013 година.

Победникот на натпреварот ќе добие трофеј и диплома, а сите учесници ќе добијат благодарница. Победникот на европскиот натпревар добива парична награда во износ од 3.500,00 евра, а ќе може да ја искористи само во поддршка на натамошното служење на заедницата, односно за надградба на своите капацитети за преземање на одредена лидерска функција во асоцијацијата, или пак во општеството.
Пријавените кандидати, меѓу другото се обврзуваат:

• да настапат на националниот натпревар во март 2013;
• да настапат на 5. Национална конвенција 24-26 мај 2013 година;
• да учествуваат/работат на Меѓународниот младински камп на дистриктот;
• да ја претставуваат државата и дистриктот на Европскиот Lions форум 2013.

Во текот на овој месец да ја зајакнеме меѓународната соработка.

„Да создаваат и одгледуваат дух на разбирање и соработка помеѓу луѓето во светот“ е дел од целите на нашата асоцијација која воедно го претставува третиот столб на активности на меѓународната асоцијација. Развивањето на меѓународната соработка е едноставна задача, а секој клуб може да одбере некоја од следните активности:

• Одбележете го Lions денот во Обединетите нации (третиот четврток од месецот);
• Стапете во збратимување со друг клуб од близок или пак подалечен дистрикт (повикот за збратимување ви беше испратен од координаторот Влатко Христовски во е-пошта од 14 февруари 2013);
• Подгответе и пријавете проект за финансирање од LCIF преку програмата за грантови за меѓународна помош;
• Учествувајте во спроведувањето на меѓународниот младински камп ова лето;
• Организирајте предавање или претставување на одредена држава, меѓународна организација и сл.

На крајот едно потсетување. Нашиот меѓународниот претседател вели: “In a world of need and suffering, there is someone to help. And in a world of service, there is one name that stands out among others – Lions Clubs International. That’s what we do.” Темата за оваа година 2012/2013, “In a World of Service” ги отсликува вредностите кои ги споделуваат членовите на асоцијацијата веќе 95 години.

BE A LION – TOUCH A HEART!

Андреја Стојковски, гувернер на дистриктот 2012/2013