What's the number one reason why people don't join Lions?
Because they have never been asked! When was the last time you asked someone to
be a part of Lions?
I INVITED 3 NEW MEMBERS TODAY!
Во насока на исполнување на нашата стратегија „LIONS
Македонија 2020“ и мојата програма за работа за 2012/2013 година денес имав
средба со претставници на една деловна банка со која зборувавме за можностите
за соработка и имплементација на еден од годинешните Signature проекти. Бев
изненаден од претприемчивоста на „банкарите“ (барем овие со кои денес се
сретнав) особено поради фактот дека проектот навистина ми лежи при срце и би
сакал да го видам реализиран и институционализиран во рамките на дистриктот за наредните
години. Средбата заврши успешно, а за резултатите ќе има опширно
известување во августовското директно обраќање до сите членови, како и во
соодветниот број на LION магазинот на македонски јазик.
Бидејќи на состанокот имаше навистина пријателска атмосфера,
а моите соговорници имаа желба да слушнат и разберат нешто повеќе за Lions
Clubs International во текот на целата дискусија вклучував едукативни елементи
и општи, но сепак многу важни информации за асоцијацијата. На крајот, кога
заминав од зградата веќе имав двајца потенцијални членови кои во догледно време
ќе се придружат на два наши клубови и ќе и служат на заедницата. Вечерва пак,
прочитав на facebook страната на Lions Clubs International истражување за тоа
која е најчестата причина поради која некој не се вклучува во нашата
асоцијација. Одговорот беше мошне едноставен: „Никој не ги поканил!“.
По состанокот сретнав една моја дамнешна пријателка,
поранешна членка на Leo клубот Скопје, чиј татко e lion. Во разговорот успеав
да ја потсетам на убавото дружење во минатото и да ја убедам повторно да ни се
приклучи, сега веќе како lion.
Јас денес поканив 3 нови членови во нашиот дистрикт, кога
тоа последен пат го стори некој од вас?
Запаметете нашата асоцијација е толку силна, колку што се
силни и бројни нејзините членови!
BE A LION - TOUCH A HEART!
No comments:
Post a Comment