CHARTER NIGHT ANNIVERSARY - 5 YEARS LIONS CLUB OHRID DESARETI

Да создава и одржува дух на разбирање помеѓу народите од светот за потребата од соработка и служење! Ова е дел од целите и задачите на нашата меѓународна асоцијација која најдобро го отсликува Lions клубот Охрид ДЕСАРЕТИ.

Во годината во која Меѓународната асоцијација на Lions клубовите го одбележува својот 95 годишен јубилеј, а клубовите во државава својот 15 годишен јубилеј, Lions клубот Охрид ДЕСАРЕТИ заедно со нашиот дистрикт одбележуваат мини јубилеј - 5 години од своето постоење.

Изминатите години, клубот ДЕСАРЕТИ работеше во атмосферата на позитивна конкуренција во Охрид, во која настана заедно со својот малу постар брат, клубот ОХРИД. Постојани во активностите, како во својата посветеност да и служат на заедницата. Промовирајќи ги градот и државата, нивната историја, култура и традиција успешно работат на меѓународниот мир безмалу триесетина lions-и на кои доблеста и скромноста им се најголема предност.

Петте години изминаа дури си трепнал, на акциите им нема број, а досегашните претседатели сите обединети во идејата да создаваат и одржуваат дух на разбирање помеѓу народите од светот за потребата од соработка и служење. Првиот претседател, lion Габриела РАКИЌЕВИЌ, беше учесник на првата меѓународна конвенција од основањето на нашиот дистрикт во 2008 година во Бангкок. Третиот претседател, lion Елизабета ИЛИЕВСКА, го внесе клубот во Асоцијацијата на Lions клубови од градови со тврдина, а сега е нејзин амбасадор за проширување. Петтиот претседател, lion Зоран ТИЛЕВСКИ, совршено добро го водеше клубот низ својата највредна и најобемна акција, 9. Конгрес на Асоцијацијата на Lions клубови од градови со тврдина. Сите меѓутоа заедно, и вториот, lion Ивица ЕРАКОВИЌ и четвртиот, lion Ерол СУЛЕЈМАНОВСКИ го врзаа клубот во постојан ангажман со Меѓународниот младински летен камп кој нашиот дистрикт го организира секое лето. Од актуелниот претседател, lion Сашо Љушевски не очекувам ништо помалку од тоа клубот да го вивне во невидени височини и да продолжи да придонесува за неговиот развој, рушејќи притоа не само наши национални рекорди на активност и служење, туку и многу од рекорди од регионот, Европа и светот.

Сосем разбирливо на Lions клубот Охрид ДЕСАРЕТИ во името на Lions дистриктот 132 МАКЕДОНИЈА им доделив Certificate of Appreciation, а на lion Зоран ТИЛЕВСКИ, District Governor's Appreciation Award Medal.

Импозантниот собир, како и присуството на повеќе од нашите lions лидери беше одлична можност во името на Меѓународната асоцијација на Lions клубовите и на претходниот меѓународен претседател д-р Винг-Кун ТАМ на претходниот гувернер на дистриктот др. Сашо ВАСИЛЕВСКИ да му доделам Certificate of Appreciation како благодарност за неговото служење во годината 2011/2012 како гувернер на дистриктот.

Забавата беше прекрасна! Клубот успеал да порасне исклучително многу и да ги надрасне другите клубови во државава и дистриктов. Сето тоа е благодарени на нивниот исклучителен, а впрочем и наш пријател, поранешниот претседавач на совет на гувернери, lion Брајан РАЈЛИ од МД105.

Се надевам дека и понатаму ќе продолжи да учи и да расте, но дека она што го научил ќе го сподели со другите - да можат и тие да продолжат да допираат во срцата!!!

BE A LION - TOUCH A HEART!

ЗА МНОГУ ГОДИНИ!!!

YOUNG AMBASSADOR COMPETITION - LOOKING FOR THE FUTURE LEADERS

Започнува натпреварот за Млад амбасадор за 2013 година! Ги повикувам сите клубови да ги охрабрат своите членови да пронајдат и да предложат кандидат за учество во Националниот натпревар за Млад амбасадор за 2013 година.

Сега е вистинскиот момент клубовите да започнат со утврдувањето на листа на потенцијални кандидати за учесници во натпреварот. Најнапред обидете се, кандидатите да ги пронајдете во локалните училишта, младински клубови, извиднички клубови или други волонтерски младински организации. Членовите на нашиот подмладок Leo клубовите имаат можност да учествуваат во натпреварот, исто како и децата на нашите lions-и, но и најмладите членови на клубовите.

Во текот на јануари ќе ги спроведеме локалните натпревари на кои секој од клубовите ќе го изберат својот претставник, а на националниот натпревар во март 2013 година ќе биде избран победникот кој ќе добие можност да го претставува дистриктот и Република Македонија на Европскиот Lions форум во Истанбул, Турција во октомври/ноември 2013 година.

Кандидатите мора да бидат помеѓу 15 и 19 години, пред 30. јуни во годината во која се одржува финалниот натпревар. Кандидатите ќе бидат оценувани од жири кое ќе го следи нивниот развој и нивната посветеност на служењето на заедницата. Во текот на интервјуто, кандидатите ќе треба да покажат дека:

• посветено и служат на заедницата и имплементираат релевантни проекти;
• поседуваат исклучителни лични квалитети и покажуваат забележителни лидерски квалитети;
• имаат квалитет за јавни настапи, особено за презентирање на нивните проекти; и
• посветеност на работата и соработката со дистриктот; и
• имаат план како да ја искористат сумата што би можеле да ја добијат како награда ако победат на натпреварот.

Секој клуб кој ќе предложи кандидат за учество на Националниот натпревар заедно со пополнетата апликација уплаќа и сума во вредност од 1.200,00 денари на сметката на дистриктот. Сите прибрани средства од котизацијата ќе бидат употребени како фонд за награда за победникот на натпреварот. Победникот на натпреварот покрај паричната награда ќе добие и трофеј и благодарница кои ќе може да ги задржи, односно ќе бидат преносни.

Паричната награда, победникот ќе може да ја искористи само во поддршка на неговото служење на заедницата, односно за надградба на своите капацитети за преземање на одредена лидерска функција во асоцијацијата, или пак во општеството. 

Победникот, меѓу другото се обврзува:

• да настапи на 5. Национална конвенција 24-26 мај 2013 година;
• да учествува/работи на Меѓународниот младински камп на дистриктот;
• да ја претставува државата и дистриктот на Европскиот Lions форум 2013.

ПРИФАТЕТЕ ГО ПРЕДИЗВИКОТ, ДА ПОМОГНЕМЕ И ПОНАТАМУ ДА СЕ ДОПИРААТ СРЦАТА!

BE A LION - TOUCH A HEART!

LIONS EUROPEAN MUSIC COMPETITION 2013 - LOOKING FOR THE BEST PIANIST

ЦЕЛ:

Сакајќи да ги охрабри младите и талентирани музичари да се натпреваруваат, да го претстават својот талент и да ја промовираат својата држава и квалитетот на lion-измот во државата, оваа година Кабинетот на Lions дистриктот 132 МАКЕДОНИЈА одлучи да го спонзорира учеството на еден млад пијанист на Европскиот lions музички натпревар 2013.

ИНСТРУМЕНТ:

Избраниот инструмент од домаќинот на 59. Европскиот Lions форум кој ќе се одржи од 31 октомври до 02 ноември 2013 година во Истанбул, Турција е ПИЈАНО.

ПРАВИЛА ЗА УЧЕСТВО:

Согласно правилата усвоени од Европскиот Lions форум, учесниците:

• треба да бидат родени по 31 декември 1989 година;
• треба да престојувале во Република Македонија во последните 3 години, пред 01 јануари 2013 година;
• треба да бидат спонзорирани од клуб во добро држење во дистриктот.

НАТПРЕВАР:

Секој учесник, ќе биде обврзан да го изведе делото означено како задолжително за натпреварувањето, како и селекција од предложениот репертоар. Изборот на најдобриот млад пијанист ќе се одржи паралелно со 5. Национална конвенција 24-26 мај 2013 година.

РЕПЕРТОАР:

Задолжително дело: Rondo in A minor K.V.511 W.A.MOZART 

Предлог репертоар:

1. Andante favori WoO 57 - L.V.BEETHOVEN

2.  1st of the 4 Scherzos - F.CHOPIN

3.  Novelette opus 21 Nr 8 - R.SCHUMANN

4.  Scherzo opus 4 - J.BRAHMS

5.  2d Ballade or Funérailles (excerpt of “Harmonies poétiques et Religieuses”) - F.LISZT

6.  Ondine or Scarbo (excerpt of “Gaspard de la nuit”) - M.RAVEL

7.  Poissons d’or (excerpt of Image 2) or Mouvement (excerpt of Image 1) or Jardins sou la pluie (excerpt оf Estampes) - CL.DEBUSSY

8.  Sonata Nr 3 or Sarcasmes - S.PROKOFIEV

9.   Romanian Dance opus 8a Nr1 or Suite opus 14 - B.BARTOK

10. Choral et Variations(excerpt of Sonata) - H.DUTILLEUX

ФИНАНСИИ:

Секој клуб кој ќе одлучи да спонзорира и предложи млад музичар за учество на Националниот Lions музички натпревар ќе уплати на сметката на дистриктот средства во вредност од 1.200,00 денари. Клубот ќе биде обврзан да ги подмири трошоците на својот кандидат за учеството на националниот натпревар.

Победникот на националниот натпревар ќе биде испратен на форумот и Европскиот натпревар на сметка на Дистриктот.

ОДГОВОРНО ЛИЦЕ и ЖИРИ КОМИСИЈА:

Одговорен за натпреварот во Кабинетот на дистриктот е lion Јане КОЏАБАШИЈА, Lions клуб Скопје СВ. ПАНТЕЛЕЈМОН, додека членовите на жирито ќе бидат именувани на 3. состанок на Кабинетот на дистриктот кој ќе се одржи во март 2013 година. Како членови на жири комисијата ќе можат да учествуваат членови на lions, меѓутоа и други познати музичари/пијанисти.

АПЛИКАЦИЈА ЗА УЧЕСТВО:

Ве молам погледајте го овој пост уште еднаш до крајот на овој месец кога ќе биде објавена и апликацијата за учество.

FOURTH MONTHLY ADDRESS TO ALL LIONS

Драги пријатели lions-и, 

Добредојдовте во четвртиот месец од оваа 2012/2013 фискална година, во месецот на борба против слепилото. Ова е четврто месечно обраќање за оваа фискална година кое треба да ви послужи како извештај или потсетник, и секако како информатор за нашите активности. 

Во месецот што измина успешно ја продолживме програмата за комуникација со клубовите и членството. 

Повторно, благодарение на ангажманот на повеќемина од нас, а секако благодарение на ангажманот на уредувачкиот одбор излезе третиот број на LION магазинот на македонски јазик. Сите оние кои не го добија, или пак не успеаја да го прочитаат првиот број на магазинот можат тоа да го сторат преку следниот линк: https://rapidshare.com/files/2488427367/LION 

Во меѓувреме бројот на лица кои ги преземале првиот и третиот број секојдневно расте. 

Во месецот што измина се одржа Европскиот Lions форум, а на истиот учествуваше и мала македонска делегација. 

Оваа година на форумот, согласно статутот и правилниците на Lions Clubs International и согласно статутот и правилниците на Lions дистриктот 132 Македонија дистриктот го претставував на форумот јас, а со мене во делегацијата учествуваа и првиот вице-гувернер Јелица Кртолица, како и секретарот на кабинетот Давор Каракашев. 

За прв пат оваа година, по сите учества и презентации кои нашиот дистрикт досега ги имал, учествувавме со улога на ко-претседавачи на сесијата за Централна и Источна Европа. На истата сесија имав можност да го презентирам и искуството на дистриктот од процесот на стратешко планирање, но и да ги претставам целите кои ги поставивме пред нас. Претходно, пред одржувањето на форумот се одржа Advanced (Senior) Lions Leadership Institute на кој и оваа година учествуваа двајца учесници. Оваа година, согласно досегашната практика и секако согласно нашиот стратегиски документ, учесник на овој институт беше вториот вице-гувернер на дистриктот Драги Филевски. Вториот учесник кој самостојно се пријави за овој институт беше секретарот на кабинетот Давор Каракашев. Со ова бројот на lion-и кои успешно го завршиле овој институт се искачи на 5. 

Во месецот што измина ги отпочнавме редовните работни средби во клубовите. 

Согласно статутот и правилниците гувернерот на дистриктот го претставува и застапува дистриктот, а тоа го прави и преку редовните посети на клубовите. 

Оттаму, оваа година беше изготвен календар за овие редовни посети кои започнаа во минатиот месец. Имав можност да се сретнам со членовите на клубовите: КАБАДАЈА, ДЕМИР ХИСАР и КИЧЕВО. 

Во текот на овој месец ги повикувам клубовите да се приклучат кон борбата против слепилото. 

Согласно календарот на дистриктот за оваа година, овој месец е во знакот на борбата против слепилото. Оттаму, ги повикувам сите клубови да се вклучат во оваа кампања и да организираат настан со кој ќе придонесат во мисијата на нашето движење и во продолжување на борбата кон која не повикала да се придружиме Хелен Келер во 1925 година. Настаните можат да бидат индивидуално служење, кога клубовите ќе одлучат да понудат помош и да му служат на одредено лице, односно кампањи во кои ќе биде подигната свеста на одредена група лица во општеството. Настаните кои можат да бидат организирани и притоа одат во прилог на наградувањето за исклучителност на клубовите се: предавање, промотивна кампања, кампања за подигнување на свеста, колективен скрининг за вид, конкретна помош за одредено лице кои има слаб вид, или пак е слепо. 

Централниот настан оваа година за одбележување на денот на белиот стап ќе се случи на 15 октомври 2012 година во Кавадарци во организација на Националниот сојуз на слепите лица. На настанот ќе учествуваат претставници на тимот на гувернерот, а сите клубови можат0 да учествуваат во набавка на некој од следните предмети и на тој начин да помогнат на сојузот: топломери за слепи лица (1000 примероци – 20 евра од примерок); апарати за мерење притисок (200 – 60 евра по примерок); звучни и браеви саати (200 – 30 евра од примерок). 

Во месецот што измина се одржа REGIONAL LIONS LEADERSHIP INSTITUTE во Битола. 

Развивањето стратегии за успешно надминување на предизвиците во нашите клубови и дистриктот, препознавањето стилови на комуникација и нивно приспособување за поефикасно комуницирање, како и креирањето акционен план за мотивација на членовите на клубовите, беа централните теми на семинарот, одржан во Битола. Најголемо внимание и дебата на учесниците предизвикаа интерактивната драма со доделени улоги за начинот на функционирањето на клубовите, за која предавачот Звонимир Цветановски, рече дека претставува одличен вовед во анализата која има за цел создавање на клима која поддржува различност во клубовите и во дистриктот. 

Не помало интересирање на посетителите на семинарот предизвика прашањето на зголемувањето на членството, односно зошто е тоа потребно и кои се полезностите од растот на дистриктот. Притоа беше предложено, поради актуелноста на темата, да биде организирана и посебна средба целосно посветена на прашањето како до ново членство 

Наместо потсетување, овој месец продолжуваат националните натпревари за Peace Essay Contest, односно Peace Poster Contest во коi ќе бидat избрани претставниците на дистриктот за учество на овие меѓународни натпревари. Меѓународните натпревари се одржуваат веќе 25 години, а оваа година темата е „Замислувајќи го мирот“ (Imagine Peace).

Повеќе за темата и натпреварот во оваа година можете да прочитате на следниот линк: http://0.mk/53649 . Согласно правилата, потенцијалните учесници се млади кои најдоцна на 15 ноември ќе наполнат најмалку 11, односно најмногу 13 години старост. Повеќе за правилата за учество можете да прочитате на наредниот линк: http://0.mk/0ee57. Според ветеното, пријавата и материјалите за учество со победничкиот постер веќе се набавени, а клубовите треба само да го изберат својот победник. Ги повикувам сите клубови и сите lion-и заинтересирани за спонзорирање учесник, односно за лично учество да ги побараат координаторите и од нив да се информираат повеќе за националните натпревари. 

Роковите за пријавување на учество на регионално ниво се 15 ноември 2012 година, односно 25 ноември 2012 година за националните натпревари.

На крајот едно потсетување. Нашиот меѓународниот претседател вели: “In a world of need and suffering, there is someone to help. And in a world of service, there is one name that stands out among others – Lions Clubs International. That’s what we do.” Темата за оваа година 2012/2013, “In a World of Service” ги отсликува вредностите кои ги споделуваат членовите на асоцијацијата веќе 95 години. 

BE A LION – TOUCH A HEART! 

Андреја Стојковски, гувернер на дистриктот 2012/2013

THIRD ISSUE OF THE "LION" MAGAZINE IN MACEDONIAN

Пред неколку дена излезе третиот број на LION магазинот на македонски јазик. Темата на овој број е меѓународната соработка и создавањето на мостови помеѓу луѓето како задача за сите членови на асоцијацијата. Во овој број ќе може да прочитате: воведник на Марјан Забрчанец, 58. Европски Lions Форум во Брисел, лична порака од пранешниот меѓународен директор Гудрун Бјорт Ингвадотир, интервју со поранешниот меѓународен директор Фил Нејтан, претставување на lions-ите денес во главната канцеларија на меѓународната асоцијација, како и информации за активности на повеќе клубови во дистриктот.

https://rapidshare.com/files/2488427367/LION

CHARTER NIGHT IN KICHEVO

Уште еден прекрасен момент му посакуваме добредојде на нов член во нашето семејство. Овој пат се радувавме на Lions клубот КИЧЕВО, кога на 28 септември 2012 во прекрасно реновираниот хотел „Кичево“ 24 нови lions-и пристапија во членство во организацијата. Во клубот има дури и американец, чии родители се членови на нашата асоцијација во Вајоминг во САД.Во свечената сала во хотелот по желба на домаќините постојано одеше во позадина презентација со основните податоци за нашата асоцијација и за дистриктот, а на присутните 80 кичевчани, но и пласничани, дебрешани и др. поради огромниот интерес моравме да им објасниме каква асоцијација е ова, во чие друштво пристапуваат нивните 24 сограѓани. Во публиката беше и градоначалникот на Кичево кој сега веќе сум сигурен дека очекува помош од клубот во справувањето со потребите на граѓаните.

На почетокот поздрав од домаќините, а потоа за по втор пат како гувернер на дистриктот ја отпочнав официјалната церемонија на воведување во членство. Знаејќи за присуството на повеќе лица, поддржувачи и други, одлучив најнапред да говорам за асоцијацијата, да го претставам Lions Clubs International, а потоа да го претставам и дистриктот и активните членови кои во минатата година успеаја да имплементираат 126 активности. Во своето обраќање вклучив и дел кој се однесуваше на мојата годинешна програма, а се обидов и да ги мотивирам идните членови на новиот клуб да се придружат во ширењето на позитивниот имиџ во заедницата и во поставувањето на рекорди на служење. Конечно, поставен предизвик како да помогнат поуспешно да допреме во срцата!

Следуваше церемонијата во која дваесетичетири прекрасни луѓе зрело се втурнуваат во светот на служењето, одлучни својата заедница да ја направат попристојно место за живеење. Овој пат, се обидов заедно со сите присутни офицери на дистриктот како и со менторите на новиот клуб да им направиме церемонија која се надевам ќе ја паметат до крајот на животот. Подоцна, дури и набљудувачите рекоа дека тоа било вистинскиот начин за воведување во членство. Можеби не е мојот прв клуб кој го воведувам во членство, но дефинитивно има многу работи поради кои ќе го паметам случувањето. 

По завршувањето на церемонијата, вториот вице-гувернер на дистриктот lion Драги ФИЛЕВСКИ му ја додели повелбата од Меѓународната асоцијација на новововедениот претседател на клубот, а Guiding lion-сите на новиот клуб lion Марјан ТАЛЕВ и lion Абдула ЛИМАНИ подарокот – знамето на клубот. На самиот крај на официјалниот дел од вечерта, GMT координаторот lion Соња БОЈАЏИЕВА на претседателот на спонзорскиот клуб, lion Жико КАЛПАКОСКИ му ја додели наградата за спонзорирање на нов клуб. 

Конечно, запознавајќи ги присутните со фактот дека секој успех на новиот клуб ќе биде само негов, а секој неуспех на неговите ментори, на обајцата, Марјан Талев и Абдула Лимани им посакавме со Соња Бојаџиева секаков успех и ги потсетивме на одговорноста на функцијата Guiding Lion предавајќи им ги нивните нови инсигнии и благодарниците за успехот.

На самиот крај, мала злоупотреба на просторот, за нејзините заслуги за организацијата и работата на клубот Скопје ПАЈКО МААЛО, на lion Марјана Стојковска, во име на претходниот претседател д-р Вин-Кун Там и доделив Extension Award Medal #1.

ЗА МНОГУ ГОДИНИ!

58th EUROPEAN LIONS FORUM - IT'S REALLY AN HONOR TO BE A LION FROM MACEDONIA

Секогаш е добро одново да се наполнат батериите и да се донесе позитивна енергија од искуството на другите дистрикти која потоа ќе ја споделиш со своите пријатели lions-и! Европскиот Lions форум се одржува еднаш во годината, некаде на континентот и ги обединува сите дистрикти од Европа. Делегациите се разновидни, lion-и, претседатели на клубови, офицери во дистриктите, гувернери на дистриктите, поранешни и актуелни меѓународни директори, поранешни меѓународни претседатели од Европа, како и актуелните извршни офицери. Секако, не недостигаат и многубројните координатори, гости, блиски пријатели и соработници, животни партнери. Речиси секогаш во близина на бројката од 2.000 луѓе собрани на едно место и обединети во гордоста да се биде lion. 

На почетокот на овој месец, од 2-9 септември се одржаа 2 исклучително битни настани во Брисел. На обата настани имаше забележително и навистина успешно македонско претставување. Advanced (Senior) Lions Leadership Institute беше првиот настан, кој се случуваше од 2 до 5 септември, а на кој учествуваа вториот вице-гувернер на дистриктот Драги Филевски и секретарот на кабинетот Давор Каракашев. Вториот настан беше 58миот Европски Lions форум кој се одржа од 5 до 9 септември. Тука, македонската делегација наоружана со ентузијазам и македонски lion-изам, а во состав: Андреја Стојковски, гувернер на дистриктот; Јелица Кртолица, прв вице-гувернер на дистриктот; и Давор Каракашев, секретар на кабинетот, успешно ги покажавме нашите резултати и победи. 

За многумина институтот воопшто не соодветствува на волонтерскиот карактер на асоцијацијата. Исполнетата агендата стратуваше секој ден во 8 часот наутро, а завршуваше доцна попладнето. Секој момент од институтот беше исполнет со интерактивни и интересни предавања кои имаа за цел не само да ги едуцираат учесниците, туку и да ги поттикнат на акција по враќањето, и да пренесат вештини за успешно водење на асоцијацијата. Нашите лидери совршено добро го идентификувале проблемот кога велат „ние немаме проблем со членството, имаме проблем со лидерството“, оттаму главниот фокус на овој семинар е создавањето на нови лидери кои без никаков проблем ќе се фатат во костец со предизвиците кои актуелните случувања ги имаат за нашата асоцијација. 

На институтот во посебни блокови беа опфатени теми како основи на лидерството, различности, организирање на групи и тимови, тимската работа, промоцијата на организацијата и движењето, управување со проектен циклус, делегирање, разрешување на конфликти, подготовка на презентации и јавни настапи, пристап до меѓународните програми и ресурси, LCIF и секако потрага по идните Lion лидери. 

Да се биде дел од институтот е огромна привилегија, но и обврска бидејќи учесниците мора да бидат постојано и активно присутни. Причините за тоа се повеќестрани, најнапред станува збор за единствен настан од овој тип организиран во Европа како конститутивна област во нашата асоцијација, а потоа и поради фактот дека на истиот учествуваа приближно 100тина учесници од повеќе од 20 дистрикти и 10тина искусни предавачи. Поранешниот меѓународен директор Бруно Алквист од Шведска и GLT координатор за Европа, поранешниот меѓународен директор Несим Леви од Турција и специјален советник за GLT за Европа, поранешниот претседавач на совет на гувернери од МД105 Џоф Лидер и еден од GLT координаторите за Европа, како и поранешниот претседавач на совет на гувернери од МД110 Петер Бранденбург и новоизбран благајник на Европскиот форум беа дел од искусните предавачи кои досега им предаваа на сите македонски учесници на овие институти од Болоња во 2010 и Мастрихт во 2011 до оваа година во Брисел. 

Поради бројноста на учесниците, а со цел поуспешна комуникација и размена на искуствата сите учесници беа поделени во помали групи од 6-8 членови. Во текот на денот групата ги совладува предизвиците како тим, а на крајот на денот, нешто по 18.30 часот ги презентира своите успеси. Вечерата е резервирана за прославување на успесите. На крајот на институтот на гала вечера сите учесници кои успешно го поминаа институтот им беа доделени сертификати и значки за успехот. Учеството на институт е непроценливо богатсво за секој член. Секој се стекнува со огромно знаење, нови вештини, информации и искуствата од другите членови, поминувае време во забава креирајќи доживотни пријателства со што има чувство на гордост што е дел од семејството кое брои 1,35 милион членови! 

На 6 септември, четврток, започна Европскиот Lions форум, а секој чекор беше следен од пауза исполнета со пријателство, поздрав со познаник, соработник, пријател, напати и „непознато другарче“ со кое после долго време допишување конечно лично се сретнуваш. Уште на првиот ден од форумот, заклучокот гласи „Гордост е да си lion од Македонија!“ Ние сме меѓу помладите дистрикти, меѓу помалите држави во Европа, но меѓу најголемите lion-истички срца во Европа и пошироко. Пред сите гости, меѓу кои и Нејзиното кралско височество принцезата Астрид од Белгија на отворањето на форумот, неколку пати беше споменато името на Македонија, како пример за рзвој на дистрикт со забрзани, но темелни чекори, како пример за едукација внатре во дистриктот и како lion-истичка држава која треба да послужи како извор за инспирација во градењето на нашето движење.

Во својот поздравен говор меѓународниот претседател Вејн А. Меден неможеше да се воздржи, а да не ги сподели, неколку пати, воодушевувањата за посветеноста на lions-ите, но особено на младите leo-вци од Македонија за нивните акции, волонтерска работа, посветеност и амбиција манифестирани уште при посетата на нивното училиште „во Скопје, Македонија при последната посета“. Навистина е „Гордост е да си lion од Македонија!“ Тоа е дело на сите нас. Но, сепак на таков голем собир имиџот на државата го прават поединци. Години наназад нашите гувернери и во последно време и јас, успеавме преку своите темелно градени контакти, да ја наметнеме Македонија во прв ред и меѓу високото светско раководство да се почитува Македонија како лидер во Европа. Наредниот ден се случуваа повеќе важни семинари и средби на форумот на кои мораже да се учествува, а уште во утрото, за нас најважниот, состанокот на иницијативата за централна и источна Европа на кој главна тема беше процесот за статешко планирање и целите на нашиот дистрикт. На состанокот ја имав честа да бидам ко-претседавач на поранешниот меѓународен директор Ернест Мусил, кој воедно ја претседава иницијативата и на поранешниот гувернер на дистрикт Хајко Далман од Германија. 

 

Наредната сесија, беше посветена на потребата и на процесот на транзиција од Leo во Lions. Со сесијата претседаваше нашиот драг пријател, поранешниот меѓународен директор од МД105 Фил Нејтан. И на оваа сесија нашиот дистрикт споделуваше свое искуство. Овој пат, директно од претседавачот барање, секретарот на нашиот дистрикт да го изнесе своето искуство, а заклучот беше дека дистриктот во Македонија е модел за европските дистрикти и по бројот на Leo членови кои преминале во Lions, а се разбира и по нивната успешност, имајќи предвид дека двајца од делегацијата од три члена се поранешни Leo-вци.

Конечно, црешата на шлагот ја даде сесијата посветена на програмата Lions Quest кога на самата сесија претходниот меѓународен претседател и претседавач на фондацијата на нашата асоцијација го потпиша и со тоа го одобри грантот од 10.000 американски долари за имплементацијата на програмата во нашиот дистрикт. Република Македонија е 74 држава во светот во која се имплементира програмата Lions Quest. 

На последниот ден, на завршниот состанок на Европскиот совет успеавме уште еднаш со разумот и со добрата дискусија да ги разбудиме останатите и да го привлечеме вниманието, а секако и поддршката на многумина за нашиот дистрикт. На крајот, вечерта пред разделба дојде и најголемата награда, почестта да присуствуваме на мала приватна вечера со меѓународниот претседател Вејн Меден, претходниот претседател д-р Винг-Кун Там, поранешните меѓународни директори Фил Нејтан од МД105 со сопругата Хајди и Ед Мекормик од МД17, како и поранешниот претседавач со совет на гувернери од МД105 Филип Гудиер. Сите присутни во неколку наврати ги поздравија и истакнаа нивните воодушевувања за нашите досегашни успеси и идни планови и залагања и порачаа дека мора да продолжиме уште помотивирано и поактивно да работиме; да бидеме добри и хумани луге; да и служиме на заедницата; да бидеме препознатливи во неа по хуманоста; да ги предизвикаме нашите пријатели и деца да ни се придружат во хуманата мисија. 

Не треба да си многу богат за да даруваш и помагаш, туку да имас големо срце, а со него треба само да го допреш срцето што страда!