HAPPY HOLIDAYS (BE A LION - TOUCH A HEART)

Драги lions-и,

Полека навлегуваме во сезоната на празници. Дојде времето да се потсетиме на убавините на изминатата година и да ги изброиме благослови кои ги добивме во оваа година.

Со мојата сопруга, оваа 2012 година го добивме најголемиот подарок на светот. Оваа година, заедно со вас активно и служиме на заедницата и споделуваме време со саканите членови lions-и; учествувавме на нашата национална конвенција; се среќававме и дружевме на состаноците на клубовите, на волонтерските акции, на забави и charter вечери; патувавме заедно во низ Македонија и ширум Светот (Виена и Брисел); споделувавме професионални, лични и lions успеси и моменти на среќа. Со други зборови, бевме среќни што го поминавме времето со секој lion!

Ако ова досега беше одлична година, ако ова полугодие беше полугодие на нови успеси, тогаш наредниот период нека биде исполнет со РЕКОРДИ!

Се надевам дека вагајќи ги своите благослови паланзата ви е преполна со успеси.

За Новата 2013 година ви посакуваме за подарок вера, за благослов надеж, а за мир љубов.

Искрено ваши,
гувернер на дистриктот Андреја Стојковски со семејството

FIFTH ISSUE OF THE LION MAGAZINE IN MACEDONIAN

Денес, конечно го виде светлото на денот петтиот број на LION магазинот на македонски јазик. Темата на овој број е посетата на меѓународниот претседател Вејн А. МЕДЕН и неговата сопруга Линда МЕДЕН, а ќе можете и да прочитате бројни други информации за активности кои се случуваа во изминатиот период. Доцнењето на овој број се случи поради фактот дека претседателот во Македонија присуствуваше на крајот на изминатиот месец и на почетокот на овој, а дел од објавените содржини мораше да бидат претходно авторизирани. Од содржината на магазинот би издвоил информација за вториот состанок на Кабинетот на дистриктот; одржаниот 6ти Црно-бел Бал во Битола; спроведени донации, активности, предлози за соработка и сл.

Уживајте во магазинот!

Петтиот број на LION магазинот на македонски јазик

IMAGINE PEACE - WINNING POSTER

By Denis Arifov

IMAGINE PEACE - WINNING ESSAY

Imagine Peace

Peace-freedom. There is nothing better in life than to live in peace: to be able to sleep, grow up, and walk freely and anywhere. Many people have given their lives for the peace we have today. Many children have lived in fear and anxiety, hungry and bare-footed. While they were falling asleep with tears in their eyes, planes were flying over their heads throwing bombs. Lots of children have died too. In our country we live in peace and freedom and we feel free like birds.

Every day we hear on the news about different wars. And although we are all aware of the consequences the wars never seem to stop. However children’s hope for happiness never stops too. There are millions of children in the world who are different in colour and religion but have the same wish: to have a peaceful childhood. Is there any child in this world who does not like that?

It seems that only children are aware of the consequences of wars. Although very young, they are the ones who know the meaning of peace the best. That’s why I challenge all the children in this world no matter of the colour of their skin to be brave and strong and spread only messages of peace and love. We, the children, say: “we are all the same and all we need is love”.

Peace is like a shining sun which rays spread love and warm my heart. It is by breathing that every human being, every child and every plant feels the aura of freedom. Peace opens new perspectives and brings light to my life. Peace is magic created out of feelings and warm kisses in a child’s heart. We live in a merciless era when peace is like a dewdrop. We, the children, resist all the evil forces that want to take away our peace, which is so precious to us.

By Viktor Toshevski

WE CAN NOW IMAGINE PEACE - THE CONTESTS ARE OVER AND WE HAVE THE WINERS

Им ја отворивме „портата кон светот„ на Денис Арифов, победникот на натпреварот на Постер на мирот и на Виктор Тошевски, победникот на Есејот за мирот 

Завршија националните натпревари за Peace Essay Contest и за Peace Poster Contest и беа избрани претставници на нашиот дистрикт за учество на овие меѓународни натпревари. Годинешната тема на натпреварите беше „Замислувајќи го мирот“ (Imagine Peace). 

Меѓународните натпревари секогаш на различни но сепак блиски теми се одржуваат веќе 25 години. 

Благодарение на учеството на повеќемина наши lions-и, како и благодарение на најактивната досега координација на учеството дистриктот далеку ги надмина утврдените индикатори за успехот. Оваа година имавме пријавени постери од повеќе градови, повеќе клубови и 150 учесници. Комисиите утврдени од страна на Кабинетот на Дистриктот ги избраа најдобрите пријави. 

Победникот на натпреварот за Peace Essay 2012 “Imagine Peace” е Виктор Тошевски. 

Победник на националниот натпревар за Peace Poster 2012 “Imagine Peace” е Денис Арифов, роден на 29 септември 1999 година (13 години), а неговиот наставник е Коста Хаџи-Антоновски. Спонзор на победникот е Lions клуб Битола.

AT FIRST'S 60th BIRTHDAY

И покрај тоа што според програмата редовната посета на Lions клубот СКОПЈЕ беше закажана за многу подоцна во фискалната програма, веднаш по заминувањето на меѓународниот претседател од дистриктот добив исклучителна покана за посета на состанок во овој клуб. Поводот според информацијата од секретарот на клубот беше добиениот петти претседателски медал (International President's Medal) за нашиот пра-lion и прв гувернер на дистриктот Небојша Давидовски. Се разбира, јас знаев и поинаку, дека има уште еден скриен мотив, но не кажував ништо.

На состанокот имав изненадување од влезот на салата, присуствуваа приближно 10 leo-вци, lions-и од приближно 10 клубови од цела Македонија. Имав чуство дека сум на полу-национална конвенција, ама имав и една дилема, колку од членовите на клубот каде што доаѓам во посета се присутни на состанокот.

Најпрвин претседателот го отвори состанокот со поздрав до мене и до сите останати присутни. Меѓу другите, таму беше првиот вице-гувернер на дистриктот Јелица Кртолица, како и поранешниот гувернер на дистриктот Ангел Георгиевски. Потоа следуваше првата точка на дневниот ред во која неколкумина членови на клубот: lion  Александар Матевски, lion Абдула Лимани и lion Мелита Стаматовска известија за успешно спроведените акции на клубот. Во продолжение, менаџерот за членство извести дека се исполнети условите за прием во членство на повеќе нови членови, а претседателот на клубот, пред сите присутни ја водеше церемонијата за нивниот прием.

Како втора точка на дневниот ред беше предвидено обраќање на претставници на дистриктот. Среќа! Среќа што претседателот ја формулирал вака точката на дневниот ред и што најпрвин ми даде шанса да се обратам јас. Несакајќи да биде тоа предолг состанок и да има премногу предавања, обраќања и сл. реков: „Благодарам претседателе на укажаната чест, дали, меѓутоа, можеби некој друг сака да се обрати пред да зборувам јас? Знаете, откако ќе зборува гувернерот, потоа веќе никој не зборува!“ Ова се разбира беше шега, но совршено се вклопи. Ги прескокнавме сите предавања, а сите клубови добија една лекција дека кога имаат шанса да слушаат гувернер, било кој друг lion, офицер на дистриктот нема потреба да зборува.

Во своето обраќање започнав со еден мал времеплов. Реков: „Денес е 10 декември 2012, Светски ден на човековите права.“ Објаснив дека на истиот датум, во ООН е усвоена Универзалната декларација за правата на човекот и оттаму одбележувањето на денот. Воедно напоменав дека во историјата се случиле и многу други работи на истиот датум, дека Кралот Едвард VIII го потпишал актот за своето абдицирање, се случил геноцидот во Руанда, била реставрирана демократијата во Аргентина, но и многу други работи...

Зборувајќи за програмата на меѓународниот претседател Меден го пофалив клубот за направените акции за поддршка на две локални библиотеки. Потоа им обрнав внимание на Club Excellence Award и на мојата определба најголемиот дел од клубовите да побараат и секако да добијат ваква награда. Зборував поединечно за секој одделен критериум и ги потсетив на потребата од пораст на членството, информирањето, следњето на правилата во работата и конечно донирањето на нашата фондација. Наместо пауза од целокупното излагање се навратив на почетниот разговор и на хронологијата на настаните, односно 10 декември низ историјата, па реков: „На истиот датум е роден и добитникот на петтиот претседателски медал, прв гувернер на дистриктот и пра-lion Небојша Давидовски кој одбележува јубилеј 60 години живот, а според својата посветеност и определба да служи на заедницата 120 години lion-истичка активност.“
Следуваше „Happy Birthday“ од сите присутни и повик да продолжи состанокот со забава за сите, а на забавата одлично вино, вкусна закуска и прекрасна дружба.

Нека е за многу години! Да биде жив и здрав славеникот!

8th TRADITIONAL ACTIVITY "BUY A PRODUCT +"

„Зарем не сметате дека секое дете има право на Нова Година и да се радува на новогодишното пакетче?“ На овој начин нашите волонтери им се обраќаа на купувачите овој декември, објаснуваќи им дека со купувањето на производ + донираат за правењето на новогодишни пакетчиња за децата со посебни потреби и децата без родители. Уверен сум дека граѓаните ја разбраа пораката, оти кутиите за донации беа редовно полни.

Традиционалната акција „Купете производ +“ на Leo клубот Скопје ОМНИА се одржа по осми пат оваа година. Акцијата како вообичаено се одржа во ВЕРО маркетите во Скопје, а оваа година тие беа маркетот во Градскиот трговски центар и ВЕРО2 маркетот во Тафталиџе. Следејќи го заклучокот на Кабинетот на дистриктот од неговиот прв состанок (12.09.2012) во акцијата се вклучија и lions-ите. 

За прв пат оваа година акцијата беше партнерски направена со Leo клубот Скопје ЛУМОС и Leo клубот Скопје АКСИОС, а волонтерска поддршка дадоа и Lions клубот Скопје МАКЕДОНИЈА New Century. На акцијата со организирани донации учествуваше и Lions клубот Скопје ФЕНИКС, а донираа и повеќе други lions-и од сите клубови во државата. Сакајќи да се потсети на времето кога беше само Менаџер за подмладок во својот матичен клуб, во една волонтерска смена учествуваше и нашиот пра-lion и прв гувернер на дистриктот Небојша Давидовски. 

Собраните чоколади, вафли, бонбони, грисини, играчки и други производи веќе се сортирани, а дури и добар дел од новогодишните пакетчиња се направени. Пакетчињата ќе бидат подарени на штитениците на Специјализираниот завод за деца со средна и тешка ментална ретардација од Скопје, како и за штитениците од други специјализирани институции за деца со посебни потреби и деца без родители. 

Очекувам дека следната година ќе видам повеќе од 10 волонтери lions-и за да му покажат на нашево општество што значи општествена одговорност и дека следната година акцијата ќе биде поорганизирана, подолга и се разбира далеку пораширена со волонтерски денови во Прилеп, Битола, Охрид, Куманово итн.